Krishtianu Ronaldu Saudiya Arabistonining “An-Nassr” jamoasiga o‘tayotganini rad etdi.
Avvalroq Ispaniyaning Marca nashri hujumchi 1-yanvar sanasida saudiyaliklar safiga borib qo‘shilishi va har mavsum uchun 200 million yevro maosh olishi haqida xabar bergandi.
“Yo‘q, bu noto‘g‘ri. Noto‘g‘ri”, — deya javob berdi portugaliyalik hujumchi JCh—2022 1/8 final bosqichi Shveysariyaga qarshi bahsdan so‘ng. Ronaldu uchrashuvda 17 daqiqa maydonda harakat qildi.
Jurnalist Fabrisio Romano Krishtianu haqiqatan ham “An-Nassr”dan taklif olgani, biroq hali o‘tishga rozilik bermaganini aytib o‘tdi.
Ronaldu Chempionlar Ligasida ishtirok etuvchi Yevropa klubidan taklif kutmoqda.
37 yoshli futbolchi joriy mavsum “Manchester Yunayted” va Portugaliya safida 22 o‘yinda ishtirok etib, 4 ta gol muallifiga aylandi.
Izoh (0)