Jud Bellinghem uchun kurashda APL grandi favorit. “Borussiya D” futbolchi uchun 150 million yevro talab qilmoqda

“Borussiya D” Jud Bellinghemni yozda sotib yubormoqchi.

Sky Sport nashrining xabar berishicha, 19 yoshli futbolchi yozda jamoasini o‘zgartiradi. Dortmundliklar Jud uchun 100-150 million yevro talab qilishi kutilmoqda.

Bellinghemga qiziqish bildirayotgan “Real” futbolchi uchun 150 million yevro berishga tayyor emas. Shuning uchun madridliklar kurashdan chiqishni ma’qul ko‘rdi.

Hozirda 19 yoshli futbolchi uchun kurashda “Liverpul” ustunlik qilmoqda. Shuningdek, Bellinghemning oilasi ham uni mersisaydliklar safiga o‘tishini xohlamoqda.

Joriy mavsum Jud “Borussiya D” safida barcha musobaqalarda 22 ta o‘yinda ishtirok etib, 9 ta gol va 3 ta golli uzatmaga mualliflik qildi. Angliya terma jamoasi safida esa JCH—2022 da 4 o‘yinda bitta gol va bitta golli uzatmani o‘z hisobiga yozdirib qo‘ydi.