Sakkiz yildan so‘ng sayyora aholisining qariyb yarmi semizlikdan aziyat chekishi mumkin

Jahon sog‘liqni saqlash tashkiloti ma’lumotlariga ko‘ra, so‘nggi 30 yilda dunyoda semiz odamlar soni uch baravar oshgan. Xususan, 5 yoshdan 19 yoshgacha bo‘lgan 340 milliondan ziyod bolalar va o‘smirlar shu dardga duchor bo‘lgan.

Qayd etilishicha, 2030-yilga borib Yer yuzi aholisining qariyb 45 foizi semirib ketishi mumkin. Yevropa va Markaziy Osiyoda yashovchi katta yoshli aholining 60 foizi ortiqcha vazn va semirishdan aziyat chekmoqda.

Har uch boladan biriga shu tashxis qo‘yilgan. Semizlik oqibatida kelib chiqadigan kasalliklar tufayli Yevropa va Markaziy Osiyoda yiliga 1,2 million kishi hayotdan ko‘z yummoqda. Shu sababli JSST 2022-yil may oyidan semizlikni dunyo bo‘yicha epidemiya deb e’lon qilgan.

Mavzuga doir:

• Fastfudlarning qanday zarari bor? Mutaxassis nega ulardan tiyilish kerakligi haqida gapirdi
• Ona suti bilan oziqlanish, bo‘y, ortiqcha vazn: O‘zbekistondagi bolalar salomatligi bo‘yicha ma’lumot
• Maktab yoshidagi har 3 o‘g‘il-qizdan biri ortiqcha vazn yoki semizlikdan aziyat chekmoqda — JSST