O‘zbekistonda izg‘irinli kunlar sharoitida tibbiyot muassasalari faoliyatini muvofiqlashtirish uchun Sog‘liqni saqlash vazirligida uzluksiz ish olib boradigan shtab tashkil etildi.
Vazirlik matbuot xizmatining ma’lum qilishicha, 5-dekabr ertalabki soat 08:00 dan 6-dekabr 08:00 gacha mazkur shtabga O‘zbekistondagi tez tibbiy yordam xizmati faoliyati bo‘yicha quyidagi ma’lumotlar kelib tushdi.
“103” xizmatida:
2 733 ta tibbiyot brigadasi faoliyat ko‘rsatdi.
Tez yordamga 37 336 ta chaqiriq kelib tushdi.
Eng ko‘p chaqiriqlar:
- Andijon viloyati — 4 491 ta;
- Farg‘ona viloyati — 4 450 ta;
- Namangan viloyati — 3 821 ta;
- Toshkent shahri — 3 665 ta;
- Toshkent viloyati — 3 178 ta.
Shu kuni 2 568 nafar chaqaloq dunyoga keldi.
Koronavirus aniqlangan bemorlar soni 120 kishini tashkil etdi. Ularning 31 nafari 18 yoshgacha bo‘lganlar, 89 nafari esa kattalardir. Kasallik aniqlanganlarning 79 nafari shifoxonaga yotqizildi.