Shahar aholisi odatda toza havodan nafas olmaydi. Chang, tutun va allergenlar salomatlikka osongina ta’sir qilishi mumkin. Lifehacker nashri xonadagi havoni tozalash bo‘yicha sinalgan usullar bilan bo‘lishdi.
Tabiiy aromatizatsiya vositalaridan foydalanish
Havo spreyi yoqimli hidga ega, ammo ular tarkibidagi uchuvchi organik birikmalar allergik reaksiyaga sabab bo‘lishi mumkin. Agar shunga o‘xshash vositalardan foydalanish kerak bo‘lsa, unda buni yaxshi shamollatish tizimiga ega xonada amalga oshirish mumkin.
Shu bilan bir qatorda tabiiy tarkibga ega mahsulotlarni tanlash tavsiya etiladi. Masalan, efir moylari va xushbo‘y lampalar. Bundan tashqari, dolchin, vanil, qalampirmunchoq yoki lavandali paketlardan foydalanish mumkin. Agar gullarning hidi yoqsa, xonada guldastalarni qoldirishga harakat qilish lozim.
Muntazam nam tozalashni amalga oshirish
Muntazam ravishda nam tozalashni amalga oshirish tavsiya etiladi. Tozalash nafaqat kir va chang, balki mikroorganizmlardan — bakteriya, virus va chang qoldiqlaridan ham xalos bo‘lishga yordam beradi. Shuningdek ftalatlar, formaldegidlar, ammiak, xlor va ionogen kabi faol moddalarsiz ekologik toza mahsulotlarni tanlashga harakat qilish kerak. Ushbu moddalarni dezinfeksiyalovchi birikma, idishlarni yuvish uchun gel va boshqa suyuqliklardan topish mumkin. Masalan, ftalatlar endokrin tizimga zarar yetkazishi mumkin va formaldegidlar saraton rivojlanish xavfini oshiradi. Uy uchun kimyoviy moddalarini tanlashda yorliqdagi “eko” yoki “bio” belgilariga emas, balki tegishli xalqaro belgilarga e’tibor berish muhimroq. Agar ular mavjud bo‘lmasa, ehtimol bu vosita xavfli bo‘lishi mumkin.
Salomatlik uchun haftada kamida bir marta nam tozalashni amalga oshirishga arziydi. Sifatli yuvish vositalaridan foydalanish esa undan ham yaxshiroq. Ular salmonella, stafilokokk, E. coli, zamburug‘, mog‘or sporalari kabi bakteriyalardan xalos bo‘lishga yordam beradi. Sovitkich, hammom, rakovinalar holatiga alohida e’tibor berilishi kerak. Aynan shu joylarda yoqimsiz hidlar paydo bo‘ladi.
Tozalash paytida ehtiyot choralarini unutmaslik, himoya qo‘lqoplardan foydalanish va turli xil dezinfeksiyalovchi vositalarni aralashtirmaslik tavsiya etiladi. Ularning tarkibiy qismlari reaksiyaga kirishishi mumkin. Tozalash aralashmalarining hididan xalos bo‘lish uchun xonalarni ventilyatsiya qilishni ham unutmang.
Xonalarni changdan tozalash
Agar har hafta kvartira tozalansa, robot changyutkich to‘xtovsiz ishlasa va hammom tozalikdan porlasa, bu uyda chang yo‘q degani emas. Uydagi chang miqdorini oddiy choralar yordamida kamaytirish mumkin. Iloji bo‘lsa kitoblar va esdalik sovg‘alarini ochiq joylarda saqlamaslik lozim. Ammo chang nafaqat odatiy javon va stollarda, balki devor va shiftlarda ham to‘planishi mumkin. Shuning uchun odatdagi tozalashdan tashqari, xonani changdan tozalash ham maqsadga muvofiqdir. Devorlarni tozalash uchun eng kam quvvat rejimini o‘rnatib, changyutkichdan foydalanish mumkin. Biroz qimmatroq, ammo samarali tanlov — tozalashga buyurtma berish. Bunday changga qarshi tozalash yiliga kamida bir marta amalga oshirilishi kerak.
Ovqat pishirayotganda maxsus qurilmadan foydalanish
Ovqat pishirish paytida havoning ifloslanish darajasi ruxsat etilgan ko‘rsatkichlardan oshadi. Oshxonada taom pishirish tufayli atrofga uglerod oksidi, azot dioksidi va formaldegid chiqariladi. Ushbu moddalar o‘pka kasalliklarini, shuningdek yurak muammolarini keltirib chiqarishi mumkin.
Ovqat pishirish paytida zararli moddalar chiqishini minimallashtirish uchun maxsus qurilmadan foydalanishga harakat qiling. Tutun bilan birga aldegidlar havoga chiqariladi, bu saraton rivojlanish xavfini oshirishi mumkin. Xavfsiz yog‘larga tozalangan kungaboqar, zaytun, yeryong‘oq, kokos yog‘i kiradi.
Maxsus qurilma sotib olish
Juda nam havo mog‘or paydo bo‘lishiga, ko‘z va terining tirnash xususiyati, burun oqishi va o‘pka muammolarining kuchayishiga olib kelishi mumkin. Shuning uchun namlash jarayoniga to‘g‘ri yondashish va professional qurilmalardan foydalanish kerak.
Qurilmani tanlashda xonaning maydoni va maqsadiga e’tibor berish lozim. Yotoqxona yoki bolalar bog‘chasi uchun ofis maydoniga mo‘ljallangan havo tozalash qurilmasi mos kelmaydi. Aksincha, kam quvvatli qurilma keng xonani namlashi dargumon. Shuningdek, mehmonxonalar uchun havo tozalash qurilasi imkon qadar ovozsiz ishlashi kerak.
Izoh (0)