Toshkentdagi qorli manzaralar — suratlarda

Hafta boshida O‘zbekistonning aksariyat qismida qor yog‘ishi haqida xabar berilgan va “O‘zgidromet” dushanba kuni qor yog‘adigan hududlarni e’lon qilgan edi.

Unga ko‘ra, Toshkent shahrida havo o‘zgarib turib, vaqti-vaqti bilan qor yog‘ishi, tuman tushishi mumkinligi qayd etilgan edi. Yo‘llarda yaxmalak yuzaga kelishi, shamol shimoli-sharqdan 5-10 metr/sekund tezlikda esib, harorat kechasi 3-5 daraja sovuq, kunduzi 1-3 daraja sovuq bo‘lishi bildirilgan.

Keyinroq “Toshshahartransxizmat” Toshkentda noqulay ob-havo sabab avtobuslar oraliq interval vaqtlari ortishi mumkinligini ma’lum qildi. Hozircha izg‘irin sovuq hafta oxirigacha saqlanib qolishi aytilmoqda.

“Daryo” fotomuxbiri Madina Nurman Toshkentda hukm surayotgan qorli manzaralarni kadrlarga muhrladi.