Qirg‘iziston va O‘zbekiston chegarani kesib o‘tishda pasport nazoratini yengillashtirishga kelishib oldi. Bu haqda 24.kg xabar berdi.
Ma’lumot Jogorku Keneshning Xalqaro ishlar, mudofaa, xavfsizlik va migratsiya qo‘mitasi yig‘ilishida tashqi ishlar vaziri o‘rinbosari Aybek Ortiqboyev tomonidan e’lon qilingan. Unga ko‘ra, endilikda ikki davlat fuqarolari ID-kartasini ko‘rsatish orqali chegaradan o‘tishi mumkin.
“16 yoshgacha bo‘lgan fuqarolar chegarani kesib o‘tishda pasport ko‘rsatadi. Tegishli protokol O‘zbekiston prezidentining 9-dekabr kuni Qirg‘izistonga davlat tashrifi chog‘ida imzolanadi”, — deydi vazir o‘rinbosari.
Ta‘kidlanishicha, Qirg‘iziston xalqaro ishlar, mudofaa, xavfsizlik va migratsiya qo‘mitasi O‘zbekiston bilan mazkur kelishuvni qo‘llab-quvvatladi.
Eslatib o‘tamiz, avvalroq Sadir Japarov O‘zbekiston bilan chegara bitimini ratifikatsiyalash to‘g‘risidagi qonunni imzolagandi. 17-noyabr kuni Jogorku Kenesh O‘zbekiston bilan Qirg‘iziston-O‘zbekiston davlat chegarasining ayrim uchastkalari to‘g‘risidagi bitimni ratifikatsiya qilgan. Yig‘ilishda prezident Sadir Japarov ham ishtirok etgan. Ratifikatsiyani 64 nafari deputat yoqlagan, 19 nafari esa qarshi ovoz bergan.
Izoh (0)