Qashqadaryoda yuk avtomashinasi ag‘darlib ketdi (foto)

Qashqadaryo viloyatida 5-dekabr kuni “Zil-53” yuk avtomashinasi ag‘darilib ketdi. Bu haqda Favqulodda vaziyatlar vazirligi axborot xizmati xabar bermoqda.

Qayd etilishicha, FVB xodimlari Qarshi—Ko‘kdala yo‘nalishida YTHga uchragan yuk avtomobili haydovchisiga amaliy yordam ko‘rsatgan. Soat 03:00 da Koson tumanidan Samarqand viloyatiga qarab harakatlanib borayotgan “Zil-53” yuk avtomashina haydovchisi noqulay ob-havo ta’sirida boshqaruvni yo‘qotib, mashina yo‘l yoqasiga ag‘darilgan. Hodisa oqibatida hech kim tan jarohati olmagan.

Zudlik bilan voqea joyiga yetib borgan qutqaruvchilar avtomobilga ortilgan mahsulotlarni va maxsus texnika yordamida yuk mashinasini olib chiqishda haydovchiga amaliy yordam ko‘rsatgan.

Mavzuga doir:

• Qamchiq dovonida Isuzu yuk mashinasi temir to‘siqqa urilib, ag‘darilib ketdi
• Samarqandda 2 ta yengil avtomobil avtobus bilan to‘qnashdi (video)
• Namanganda sement ortilgan Isuzu’ning jarlikka ag‘darilib ketishi oqibatida 2 kishi halok bo‘ldi