Afg‘onistonning Da Afghanistan Breshna Sherkat (DABS) elektr kompaniyasi O‘zbekistondan elektr energiyasi yetkazib berish to‘xtaganini ma‘lum qildi. Bu haqda Etilaatroz xabar berdi.
Breshna’ning ma’lum qilishicha, O‘zbekistondan eksport qilinadigan 220 kilovatt elektr uzatish liniyalari texnik sabablarga ko‘ra uzilgan. Kompaniya nosozlik sababli Turkmanistondan Kobulga import qilingan elektr tarmog‘iga ulanishga muvaffaq bo‘lgan. Breshna texnik xodimlari va O‘zbekiston tomoni ushbu muammoni imkon qadar tezroq hal qilishga harakat qilayotgani ta’kidladi.
Eslatib o‘tamiz, O‘zbekistondan import qilinadigan elektr energiyasi Kobul hamda Parvon, Kapisa, Panjsher, Nangarhor, Lag‘mon, Logar, Paktiy, Xost, Maydon Vardak, G‘azni va Bag‘lon viloyatini elektr bilan ta‘minlaydi.
Eslatib o‘tamiz, 13-noyabrda ham O‘zbekistondan Afg‘onistonga elektr energiyasi yetkazib berish vaqtinchalik uzilgandi. Nosozlik 24-noyabr kuni bartaraf etilgan.
Izoh (0)