Gollivud yulduzi Juliya Roberts karyerasidan 20 yillik tanaffus olishga nima turtki bo‘lgani haqida gapirdi

3 nafar bolaning onasi Juliya Roberts farzand tarbiyalash qiyin ish ekanligini biladi. Hozirgi vaqtda bolalarning gubka kabi o‘zlariga singdiradigan ma’lumotlar oqimini nazorat qilish, ayniqsa, qiyin. Bugungi maqolada aktrisa ona sifatidagi maslahatlar va nima uchun karyerasida 20 yillik tanaffus qilgani haqida o‘rtoqlashadi.

20 yillik baxtli nikoh

Juliya Roberts turmush o‘rtog‘i Denni Moder bilan film suratga olish paytida tanishadi. Er-xotin 20 yildan beri birga. Ular bir-birlarini 20 yil oldingidek sevishadi. Geyl Kingga bergan intervyusida Roberts, har doim eri haqida o‘ylasa, oshqozonida kapalaklar paydo bo‘lishini aytadi.

Opra Uinfri bilan suhbatda Roberts qanday qilib hozirgacha baxtli ekani haqida shunday deydi:

Bu borada men turmush o‘rtog‘imdan juda minnatdorman. Erim Denni yana qanotlarimni yoyishimga yordam berdi. Uning sharofati bilan men turli odamlar bilan uchrashdim va ko‘plab yorqin daqiqalarni boshdan kechirdim, bu, ehtimol, hayotimni o‘zgartirmagandir, lekin meni energiya bilan to‘ldirgan.

Roberts faoliyatidan tanaffus oldi

Ko‘p yillar davomida Roberts ekranlarda ko‘rinmadi. Aktrisa keskin qarorlar qabul qilishdan oldin erini ham, farzandlarini ham o‘ylashi kerakligini ta’kidlaydi. U bolalarni tarbiyalashga alohida e’tibor qaratadi va Denni yo‘qligida uyda bo‘ladi.

Aktrisa bolalarni tarbiyalash haqida

Juliya Roberts bolalariga hamma narsaga ruxsat beradigan onalardan emas. Aktrisa farzandlari televizorda nima ko‘rishini qattiq nazorat qiladi.

U tarbiyada qat’iy usullarni qo‘llashini tan oladi va farzandlariga ijtimoiy tarmoqlardan foydalanishni taqiqlaydi.

Men ularning ijtimoiy tarmoqlarda o‘tirishiga yo‘l qo‘ymaslikka harakat qilaman, chunki ularga hozir bu narsa kerak emas. Men uyda oilam bilan bo‘lish imkoniyatim borlidan quvonaman, — deydi Roberts.

Fox News ta'kidlaganidek, Roberts qattiqqo‘l ona. U bolalarini urmaydi, ularga baqirmaydi, lekin bolalar ruxsat etilgan narsalarning chegaralarini bilishlari muhim deb hisoblaydi.

Agar biror narsa yuz bersa, men ularni jazolamayman, ular bilan bu haqda gaplashaman. O‘ylaymanki, jiddiy qiyofam ular uchun yetarlicha qattiq jazodir, — deya qo‘shimcha qiladi u.

Farzandlarini jamoatchilik e’tiboridan chetda tarbiyalash Roberts va Moderning ota-ona tarbiyasidagi eng muhim vazifalaridan biridir. Aktrisa kichkintoylari bilan yolg‘iz vaqt o‘tkazishni yaxshi ko‘rganligi sababli juftlik gavjum Los-Anjelesdan San-Fransiskoga ko‘chib o‘tishgan.

U juda tez katta bo‘layotgan farzandlari hayot va atmosferaning boshqa ritmiga ega bo‘lgan boshqa shaharlar haqida bilishlarini xohlardi, — deydi aktrisaning do‘sti 2020-yil iyun oyida Closer jurnaliga bergan intervyisida.

Karyera va oila

CBS Sunday Morning telekanaliga bergan intervyusida Roberts karyerasi va oilasi haqidagi fikrlari bilan o‘rtoqlashar ekan, aktrisalik “orzular ro‘yobi ekanini, lekin u yagona emasligini” ta’kidlaydi. Aktrisadan yana qanday orzulari ro‘yobga chiqqani haqida so‘ralganda, “Oskar” sovrindori oilasi haqida gapirib o‘tadi:

Bu men turmush o‘rtog‘im va farzandlarimiz bilan qurgan hayot. Dunyodagi eng yaxshi tuyg‘u bu og‘ir kundan keyin oilangiz bag‘riga qaytishdir.

Roberts uchun tinch va bir maromdagi oilaviy hayot juda muhimdir. Aktrisa muvozanatni saqlash uchun ko‘p harakat qiladi. Uning bolalari muntazam ravishda oddiy uy yumushlari bilan shug‘ullanadi, masalan, o‘rinlarini yig‘ish va kir yuvish. Aktrisaning ta’kidlashicha, bu “muhim hayotiy ko‘nikmalar” har kimning qo‘lidan kelishi kerak.

Mavzuga doir:

Gollivud yulduzi Juliya Roberts karyerasidan 20 yillik tanaffus olishga nima turtki bo‘lgani haqida gapirdi

Mavzuga doir

Izoh (0)

Daryo.uz | Sizning muammoingiz yechimi