Buxoro viloyati Romitan tumanida Majburiy ijro byurosiga kelib tushgan hujjatga asosan katta miqdordagi pul davlat hisobiga o‘tkazildi. Bu haqda MIB axborot xizmati “Daryo”ga xabar qildi.
Qayd etilishicha, jinoyat ishlari bo‘yicha Romitan tuman sudining 5-oktabrdagi ijro hujjatiga asosan D.I.ga nisbatan jinoyat ishi qo‘zg‘atilgan. Ish bo‘yicha ashyoviy dalil deb e’tirof etilgan 8 million 417 ming 500 rublni davlat egaligiga o‘tkazish belgilangan.
Ijro harakatlari davomida Vazirlar Mahkamasining “Davlat daromadiga o‘tkaziladigan mol-mulkni olib qo‘yish, sotish yoki yo‘q qilib tashlash tartibini takomillashtirish to‘g‘risida”gi qaroriga muvofiq, jinoyat ishi bo‘yichaashyoviy dalil deb e’tirof etilgan Rossiya rubllari xorijiy valyutani sotish kunidagi kurs bo‘yicha 1 milliard 538 million 129 ming 775 so‘mga konvertatsiya qilingan.
Mablag‘ davlat egaligiga o‘tkazilgan va hujjat ijrosi ta’minlangan.
Izoh (0)