Andijonda kooperativ rahbari budjetdan 45 kishiga ajratilgan pullarni talon-toroj qildi

Ijtimoiy tarmoqlarda Marhamat tumanida istiqomat qiluvchi fuqaroning o‘ziga nisbatan qo‘zg‘atilgan jinoyat ishidan noroziligi xususida xabar tarqaldi. Holat yuzasidan Andijon viloyati prokuraturasi rasmiy munosabat bildirdi.

Aniqlanishicha, “Ershi meva-sabzavot-77” ishlab chiqarish kooperativi rahbari N.Y. va boshqalar davlat budjeti hisobidan 45 nafar ishsiz fuqaroning kooperativga a’zolik badali uchun ajratilgan jami 110 million 250 ming so‘m subsidiya mablag‘larini o‘zlashtirish yo‘li bilan talon-toroj qilgan.

Mazkur holat jinoyat ishi tergovi davomida to‘plangan dalillar, ya’ni guvohlarning ko‘rsatuvlari, hujjatli taftish ma’lumotlari va boshqa hujjatlar bilan o‘z isbotini topgan. Shunga ko‘ra, jinoyat ishi tergovi yakuni bo‘yicha N.Y. va boshqalarga nisbatan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) 3-qismi “g” bandi va boshqa moddalar bilan ayblov e’lon qilinib, jinoyat ishi sud muhokamasiga yuborilgan.

Jinoyat ishi hozirda JIB Marhamat tumani sudi tomonidan ko‘rilmoqda.

Mavzuga doir:

• Sirdaryoda fermer xo‘jaligi rahbari aldov yo‘li bilan fuqaroning 280 mln so‘mini qo‘lga kiritdi
• Xorazmda 2 ta MCHJ rahbarlari 30 mln so‘m bilan ushlandi