Bugun,

  • USD 11095.31
  • RUB 173.84
  • EUR 10772.44

1-dekabr kuni Polshaning Lodz shahrida Vladimir Norov va Ispaniya qirolligi tashqi ishlar, Yevropa Ittifoqi va hamkorlik vaziri Xose Manuel Albares Bueno o‘rtasida muzokaralar bo‘lib o‘tdi, deb xabar bermoqda TIV matbuot xizmati.

Foto: TIV matbuot xizmati

Foto: TIV matbuot xizmati

Xabarda aytilishicha, muloqotda har ikki davlat tashqi ishlar vazirliklari rahbarlari O‘zbekiston—Ispaniya ko‘p qirrali hamkorligining bugungi holati va uni rivojlantirish istiqbollarini muhokama qildi.

Qayd etilganidek, O‘zbekiston Ispaniyani Yevropadagi ishonchli va istiqbolli hamkor deb biladi va rasmiy Madridning yaqin kelajakda Toshkentda elchixona ochish rejalarini olqishlaydi.

Tomonlar 2022-yilning martida bo‘lib o‘tgan O‘zbekiston—Ispaniya siyosiy maslahatlashuvlari yettinchi raundining samarali natijalarini qayd etib, ushbu shakldagi muloqotni davom ettirishga tayyor ekanliklarini bildirdi.

Tashqi iqtisodiy aloqalar ko‘rsatkichlarini oshirish, ikki mamlakat ishbilarmon doiralari o‘rtasida to‘g‘ridan-to‘g‘ri aloqalarni faollashtirish, qo‘shma istiqbolli loyihalarni amalga oshirish, mamlakat bozori imkoniyatlarini o‘rganish maqsadida Ispaniyaning yetakchi kompaniyalarining O‘zbekistonga tashrifini tashkil etish yuzasidan aniq takliflar ko‘rib chiqildi.

Vazirlar turizm, madaniy-gumanitar va ta’lim sohalarida hamkorlikni mustahkamlash bo‘yicha ham fikr almashgan.

Izoh
Asosiy yangiliklar
Dunyo
Tojikistonda muzliklar erishi tezlashdi. Bu muzliklar deyarli butun Markaziy Osiyoni chuchuk suv bilan ta’minlaydi
Mahalliy
Rossiyada sodir bo‘lgan YTHda bir nafar o‘zbekistonlik halok bo‘ldi, yana to‘rt kishi jarohat oldi
Mahalliy
O‘zbekistonda kelayotgan hafta boshi uchun ob-havo ma’lumoti e’lon qilindi