Oddiy va oson tayyorlanadigan shokoladli “Kashtan” shirinligi retsepti

Amerikaliklar bu shokoladli shirinlikni xuddi shu nomdagi yong‘oqlarga juda o‘xshashligi uchun “kashtan” deb ataydi. Shirinliklar yeryong‘oq pastasidan tayyorlanadi. “Noviy ochag” nashri taqdim etgan ushbu retsept bayram dasturoxonini shohona shirinlik sifatida bezaydi.

Kerakli mahsulotlar:

• yeryong‘oq pastasi — 400 gramm;
• sariyog‘ — 100 gramm;
• vanil — 0,5 osh qoshiq;
• shakar upasi - 250 gramm;
• shokolad — 200 gramm. 

1. Yeryong‘oq pastasi, sariyog‘, vanil va shakar upasi aralashtiriladi. So‘ngra dumaloq sharchalar yasalib, listga terib chiqiladi.
2. Har bir shirinlik tepasiga tish kavlagich tiqib chiqiladi va taxminan 30 daqiqaga muzlatkichga qo‘yiladi.
3. Shokolad bug‘ yordamida eritib olinadi va aralashma bir xil suyuqlikka aylanguncha aralashtiriladi.
4. Muzlagan sharchalar tish kavlagich yordamida shokoladga botirib olinadi. Kashtanga o‘xshashi uchun yuqori qismida biroz yeryong‘oq pastasi qoldiriladi.
5. Shokoladli kashtanlar dasturxonga tortilgunga qadar yana muzlatkichga qo‘yiladi.