Ijtimoiy tarmoqlarda Toshkent shahri Yunusobod tumanining “Bog‘ishamol” ko‘chasida joylashgan bir qator bekatlarning ahvoli ayanchli ekani, yo‘lovchilar avtobus kutishlari uchun yetarli sharoit yo‘qligi to‘g‘risida xabar tarqaldi. Tuman hokimligi holatga munosabat bildirdi.
Qayd etilishicha, masala mutasaddilar tomonidan o‘rganildi. O‘rganishlar mobaynida haqiqatan ham ushbu manzildagi avtoshoh bekatlari tadbirkor tomonidan o‘zboshimchalik bilan egallab olingani, aholining transport vositalarini kutish uchun o‘rindiqlari yo‘qligi aniqlangan.
Mutasaddilar tadbirkor bilan mazkur holat yuzasidan belgilangan tartibda tushuntirish ishlari olib borib, aholi uchun tegishli normativ hujjatlarda belgilab qo‘yilgan barcha sharoitlarni yaratish yuzasidan ko‘rsatmalar berilgan.
“Shu bilan bir qatorda Kadastrlar agentligi Yunusobod tumani bo‘limi tomonidan avtobekatlardagi o‘zboshimchalik bilan noqonuniy egallagan maydonlar, belgilangan qonun talablari asosida tegishli chora-tadbirlari amalga oshirilayotganligini ma’lum qilamiz”, — deyiladi xabarda.
Izoh (0)