Surxondaryoda katta tezlikda harakatlangan “Jiguli” qo‘ylar podasini urib yuborgani haqida xabarlar tarqaldi. Surxondaryo YHXB matbuot xizmati holat yuzasidan ma’lumot berdi.
30-noyabr kuni 05:30 lar chamasi 102 qisqa raqami orqali kelib tushgan xabarga ko‘ra, voqea Sariosiyo tumani M41 avtomobil yo‘lining 1460 kilometri, “Shahriobod” mahallasi hududida yuz bergan.
Haydovchi R.K. “VAZ-2106” — “Jiguli”ni Denov—Chegara yo‘nalishi bo‘ylab haydab ketayotganida shu yo‘nalishda harakatlanib ketayotgan “Nazarsoy” fermer xo‘jaligiga tegishli 763 bosh qo‘yning 30 tasini urib yuborgan.
Hozirda holat yuzasidan Sariosiyo tumani IIB YHXG mas’ul xodimlari tomonidan surishtiruv ishlari olib borilmoqda.
Izoh (0)