O‘zbekiston Hindistonga gilos, uzum eksport qilish hajmini oshiradi

28-noyabr kuni qishloq xo‘jaligi vaziri o‘rinbosari Qahramon Yuldashev Hindistonning Maxarashtra shtati gubernatorining marketing va tekstil bo‘yicha o‘rinbosari Anop Kumar bilan uchrashuv o‘tkazdi. Bu haqda QXV axborot xizmati xabar qildi.

Qayd etilishicha, uchrashuvda qishloq xo‘jaligi sohasida hamkorlikni rivojlantirish, ikki davlat o‘rtasida savdo aylanmasini oshirish masalalari, shuningdek, o‘zaro istiqbolli investitsiya loyihalari bo‘yicha takliflar muhokama qilingan.

Muloqot yakuniga ko‘ra, O‘zbekistondan gilos, uzum kabi meva mahsulotlarining eksport hajmini oshirish hamda Mumbay shahrida joylashgan paxtani qayta ishlovchi yirik klasterlarni mamlakat bozoriga taklif qilishga kelishib olingan.