Futbol bo‘yicha JCH—2022 3-turida F guruhining ikki o‘yini 1-dekabr, payshanba kuni bo‘lib o‘tdi.
Xorvatiya Belgiya bilan bahs olib bordi. Uchrashuvda darvozalar daxlsizligi saqlanib qoldi. Jamoalar 1 ochkodan jamg‘ardi.
Guruhning ikkinchi o‘yinida Marokash Kanadaga qarshi maydonga tushdi. Uchrashuvning 4-daqiqasida Hakim Ziyosh darvozabonning xatosidan foydalanib, hisobni ochdi. 23-daqiqada Yusuf en-Nesiri marokashliklarning ikkinchi goliga mualliflik qildi. Birinchi bo‘lim so‘ngida Agerd o‘z darvozasini ishg‘ol qildi va hisob qisqarishiga sababchi bo‘ldi. Yakunda Marokash 2:1 hisobida zafar quchdi.
Shu tariqa F guruhida Marokash 7 ochko bilan 1-o‘rinni egalladi. Xorvatiya 5 ochko bilan 2-pog‘onani band etib, pley-offga yo‘l oldi. Belgiya 4 ochko bilan guruhda qolib ketdi. Kanada esa birorta ham ochko jamg‘ara olmasdan, so‘nggi o‘rindan joy oldi.
JCH—2022
3-tur bahsi
1-dekabr, payshanba
Xorvatiya — Belgiya 0:0
Xorvatiya: Livakovich, Yuranovich, Lovren, Gvardiol, Sosa, Modrich, Kovachich (Maer, 90), Brozovich, Perishich, Kramarich (Pashalich, 64), Livaya (Petkovich, 64).Belgiya: Kurtua, Mene (Azar, 87), Vertongen, Alderveyreld, Kastan, Dendonker (Tilemans, 72), Vitsel, de Bryuyne, Karrasko (Doku, 72), Mertens (Lukaku, 46), Trossard (Azar, 59).
Ogohlantirish: Dendonker (66).
Kanada — Marokash 1:2
Gollar: 0:1 – 4 Ziyosh, 0:2 – 23 En-Nesiri, 1:2 – 40 Agerd (avtogol).Kanada: Boryan, Jonston, Vitoriya, Miller, Adekugbe (Kone, 61), Osorio (Lareyya, 66), Key (Hatchinson, 60), Devis, Hoylett (Uozerspun, 76), Larin (Devid, 60), Byukenen.
Marokash: Bunu, Hakimi (Jabran, 85), Saiss, Agerd, Mazraui, Amrabat, Sabiri (Amalla, 65), Unai (El-Yamik, 77), Ziyosh (Amdalla, 76), Bufal (Abuxlyal, 65), En-Nesiri.
Ogohlantiishlar: Hoylett (7), Osorio (27), Adekugbe (45), Vitoriya (84).
Izoh (0)