JCH—2022 da nimchorak finalning to‘rtta juftligi aniqlandi

Futbol bo‘yicha JCH—2022 3-turidan o‘rin olgan to‘rtta o‘yin 30-noyabr, chorshanba kuni bo‘lib o‘tdi.

Shu tariqa to‘rtta guruhda o‘yinlar yakunlandi va nimchorak finalga yo‘l olgan sakkizta jamoa nomi ma’lum bo‘ldi. A guruhi g‘olibi B guruhida ikkinchi o‘rinni olgan jamoa bilan to‘qnash keladi. B guruhidagi birinchi o‘rin sohibi esa A guruhining ikkinchi jamoasi bilan o‘ynaydi. Xuddi shu ketma-ketlikda juftliklar aniqlanadi.

Hozirga qadar 1/8 finalning to‘rtta juftligi ma’lum bo‘ldi:

• Niderlandiya — AQSH
• Angliya — Senegal
• Argentina — Avstraliya
• Fransiya — Polsha

1 va 2-dekabr kunlari qolgan to‘rt guruhda 3-tur o‘yinlari bo‘lib o‘tadi va nimchorak finalning hamma juftligi ma’lum bo‘ladi.