Sirdaryoda haydovchi itini o‘ldirib, kallasini mashinaga yopishtirib olgani haqidagi xabarga aniqlik kiritildi

Ijtimoiy tarmoqlarda “Sirdaryoda ‘Jiguli’ haydovchisi itini o‘ldirib, kallasini mashinaga yopishtirib, aylanib yurgani aytildi” mazmunida xabarlar tarqaldi. Ushbu holat yuzasidan Sirdaryo viloyati IIB mas’ul xodimlari tomonidan zudlik bilan choralar ko‘rilib, avtomashina haydovchisi aniqlanib, holatga oydinlik kiritildi.

Aniqlanishicha, avtomashina haydovchisi Guliston shahrida yashovchi 1988-yilda tug‘ilgan fuqaro A.A 28-noyabr kuni o‘ziga qarashli fermadan yashash xonadoniga itini olib ketish maqsadida mashinasi yukxonasiga itni joylagan. Mashina harakatlanib ketayotgan vaqtda iti yonilg‘i quyish baki qopqog‘idan boshini chiqarib olgan holati ijtimoiy tarmoq faollari tomonidan suratga olinib, noto‘g‘ri talqin qilingan.

Holat yuzasidan mas’ul xodimlar tomonidan haydovchiga profilaktik tushuntirishlar berilib, xavfsizlik qoidalariga amal qilish yuzasidan ogohlantirildi.

Mavzuga doir:

• Toshkent viloyatida farzandlarini Labo yukxonasida olib yurgan erkakka chora ko‘rildi (video)
• Qashqadaryoda haydovchi Damas’da 19 nafar yo‘lovchi bilan ketayotgani aniqlandi (video)