O‘zbekistonda 10 oyda tadbirkorlarga ko‘rsatilgan moliyaviy yordam miqdori ma’lum qilindi

O‘zbekistonda yanvar–oktabr oylarida 4 248 nafar tadbirkorning 4 596 ta loyihasiga 1 586 mlrd so‘m moliyaviy yordam ko‘rsatildi. Bu haqda AOKAda Tadbirkorlik faoliyatini qo‘llab-quvvatlash davlat jamg‘armasi mutasaddilari ishtirokida o‘tkazilgan matbuot anjumanida ma’lum qilindi.

Sohalar bo‘yicha qishloq xo‘jaligi sohasida faoliyat olib boruvchi tadbirkorlarga taqdim etilgan moliyaviy yordam yuqori hissaga ega. Jamg‘arma tomonidan quyidagi sohalar kesimida moliyaviy yordam ko‘rsatilgan:

• qishloq xo‘jaligining 27 581 ta loyihasi bo‘yicha — 7,5 trln so‘m;
• sanoat sohasining 5 731 ta loyihasi bo‘yicha — 2,8 trln so‘m;
• xizmat ko‘rsatish sohasining 8 368 ta loyihasi bo‘yicha — 3 trln so‘m;
• boshqa yo‘nalishlarning 6 716 ta loyihasi bo‘yicha — 3 trln so‘mni tashkil etmoqda.

• xalqaro moliya institutlari va boshqa donorlardan jalb etiladigan qarz mablag‘lari — 267,9 mlrd so‘m;
• kafilliklar berishdan tushadigan daromadlar — 9,6 mlrd so‘m;
• davlat budjetidan transfertlar — 250 mlrd so‘m;
• boshqa daromadlar — 106,4 mlrd so‘mni tashkil etgan.