Kristian Pulishich “Chelsi”ni tark etishni istaydi.
The Athletic nashrining yozishicha, yarim himoyachi London klubi bilan shartnomani yangilamoqchi emas. Pulishichning “aristokratlar” bilan amaldagi shartnomasi 2025-yil yozida o‘z nihoyasiga yetadi.
Kristian “Chelsi”da baxtliligi ta’kidlanmoqda. Unga London yoqadi, jamoada ham do‘stlari ko‘p. Amerikalikning jamoani almashtirmoqchiligiga asosiy sabab u faoliyatida rivojanish his qilmayotgani bilan bog‘liq.
“Chelsi” Pulishich masalasini hal qilishi uchun oldida ikkita transfer oynasi turibdi. “Borussiya”dan xarid qilgan pulini chiqarish uchun “Chelsi” futbolchini qishda yoki 2023-yil yozida sotib yuborishi kerak bo‘ladi.
Londonliklar vinger uchun 35 million funt (40 million yevro) atrofida pul talab qiladi.
“Manchester Yunayted” Kristiannu ijaraga olish variantini ko‘rib chiqmoqda. Biroq The Athletic ma’lumotlarida Pulishich ijaraga emas, biror jamoaga to‘laqonli o‘tishni istayotgani yozilgan.
24 yoshli vinger joriy mavsum “aristokratlar” safida 18 o‘yinda ishtirok etib, bitta gol va 2 ta golli uzatmaga mualliflik qilgan. JCH—2022 guruh bosqichi 3-turida aynan Pulishichning goli tufayli AQSH Eron ustidan g‘alaba qozonib, pley-offga yo‘l oldi.
Izoh (0)