Bugun,

  • USD 11095.31
  • RUB 173.84
  • EUR 10772.44

Rossiya rasmiy shaxslari bahordayoq Ukrainaga qarshi urushda Rossiya prezidenti Vladimir Putin tomonidan yadro quroli qo‘llanilishi salohiyatini muhokama qilgan. Bu haqda Newsweek xabar bermoqda.

Foto: Getty Images

Foto: Getty Images

Bunday suhbatlar bo‘lgani haqida nashr rossiyalik huquq himoyachisi, “Gulagu.net” aksilkorrupsion sayti rahbari Vladimir Osechkin yordamida qo‘lga kiritgan elektron xatlar darak bermoqda. Osechkinning elektron pochtasiga Rossiya Federal xavfsizlik xizmatidagi “O‘zgarishlar shamoli” taxallusli informator Kremlda va uning kuch tuzilmalarida yuz berayotgan voqealar haqida ma’lumot yuborib turgan. Xatlar Putin Rossiya o‘z “hududiy yaxlitligi”ni himoya qilish uchun yadro qurolidan foydalanishga tayyorligini aytib tahdid qilishidan bir necha oy avval kelib tushgan.

Nashr qayd etishicha, informator o‘shandayoq Putin bunday ish tutishiga shubha bildirib, u holda Rossiya “ham to‘lqin ta’siriga tushishi”ni aytgan. Qo‘shni Ukraina bilan nizo “mantiq va sog‘lom aqldan tashqarida” bo‘lsa-da, munozaralarda qatnashganlarning barchasi, yadro quroli qo‘llanilishini nazarda tutib, “ochiqdan-ochiq tentaklik amalga oshirilmasligi”ga umid qilgan. Bundan tashqari, “O‘zgarishlar shamoli” ta’kidlaganidek, Ukrainaga qarshi taktik yadro qurolining qo‘llanilishi ham dushmanlar, ham betaraf mamlakatlar ko‘z o‘ngida “Rossiyaning mag‘lubiyati”ni anglatgan bo‘lardi.

“Mahalliy ziddiyat uchun bunday kuchli asos harbiy zaiflikni namoyish qilgan bo‘lardi, uni hatto harbiy muvaffaqiyat ham o‘chirib tashlay olmasdi”, — deb yozadi FXXdagi informator.

Bundan tashqari, u taxmin qilishicha, Putin yadro zarbasi haqida farmon berishga urinsa, Kremldagi qo‘mondonlik zanjiri unga to‘sqinlik qilishi mumkin. Shu bilan birga, nashr ma’lumotlariga ko‘ra, Putinning o‘zi bu muhokamalarda qatnashmagan.

“U generallarning fikrlaridan qat’iy nazar, bunday quroldan foydalanish bo‘yicha qaror qabul qilishi mumkin bo‘lgan yagona kishidir. Biroq bunday muhokamalar bo‘lganining o‘zi Oq uyda xavotirlar uyg‘otadi”, — deb yozadi Newsweek.

AQSH prezidenti Jo Bayden kuzda yadroviy “Armageddon” xavfi 1962-yilgi Kuba raketa inqirozidan buyon eng yuqori darajaga yetganini aytgandi, o‘shanda ko‘pchilik yadroviy urush muqarrarligidan xavfsiragandi. Biroq Oq uyning milliy xavfsizlik bo‘yicha maslahatchisi Jeyk Sallivan Vashington va Moskva Rossiya tomonidan yadro quroli qo‘llanilishi salohiyati atrofidagi bayonotlarni susaytirish bo‘yicha muzokaralar olib borganini aytdi.

Rossiyaning Ukrainaga qarshi urushida yadro quroli qo‘llanilishi haqidagi suhbatlar yuzasidan Strategik va xalqaro tadqiqotlar markazi (CSIS) Yevropa dasturi direktori Maks Bergmann o‘z fikrini bildirdi. Uning aytishicha, hozir Putin “bu ziddiyatni o‘zgartirishga urinish uchun qandaydir usul qidirmoqda”.

“Agar siz Rossiyadek bir davlat rahbari bo‘lsangiz, bir tomondan buyuk davlat maqomini olish uchun da’vongiz bo‘lib hisoblanuvchi, ikkinchi tomondan esa ayni paytda dolzarb bo‘lmagan yadro qurolining bunday katta zaxirasi sizni qayg‘uga solishi mumkin, chunki ulardan haqiqatda foydalana olmaysiz. Qilishingiz mumkin bo‘lgan yagona narsa — ularni qo‘llash bilan tahdid etish”, — dedi Bergmann.

Shu bilan birga, uning ogohlantirishicha, agar Ukraina ahamiyatli muvaffaqiyatlarga erishishda davom etib, Qrimga yaqinlashsa, Rossiya chinakamiga yadroviy tahdidlariga qaytishi mumkin.

Amerikalik mansabdorlar Rossiya kuchlari yadro qurolini bir joydan ikkinchi joyga olib o‘tayotgani yoki zarbaga tayyorlanish uchun boshqa taktik choralar ko‘rayotganidan darak beruvchi dalillarni ko‘rmayotganini aytdi. Ayni vaqtda Bayden ma’muriyatidagi manbalar da’vo qilishicha, AQSH amaldorlari Putinning gaplaridan tinchlanmagan. Ularning fikricha, Moskva Ukrainadagi kuchlari va konvension qurollarini bitirib tugatsa, yadro qurolini qo‘llash xavfi oshadi.

 

Mavzuga doir:

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg