Portugaliya terma jamoasi JCH—2022 2-turida Urugvay ustidan 2:0 hisobida g‘alaba qozondi.
54-daqiqada Portugaliya hisobni ochdi. Dastlab gol hujumchi Krishtianu Ronaldu hisobiga yozildi. Keyinchalik esa 37 yoshli futbolchi to‘pga tegmagani aniqlandi va gol Brunu Fernandeshga yozildi.
Portugaliya futbol federatsiyasi (FPF) FIFAga birinchi golni Ronaldu urganini isbotlovchi dalillarni topshirishga qaror qildi.
Ronalduning o‘zi ham ushbu gol unga tegishliliga ishonmoqda.
O Jogo nashrining xabariga ko‘ra, final hushtagi chalinganidan so‘ng teletranslyatsiyalarga Krishtianuning “Tegingandim. To‘p menga tegib darvozaga kirdi”, — degan gaplari tushib qolgan.
Portugaliyalik hujumchi JCH—2022 da bitta golga mualliflik qilgan. Mundiallardagi jami gollari soni esa 8 taga yetgan.
Izoh (0)