O‘zbekistonda oilaviy bog‘chalar 50 nafargacha bola olishi mumkin bo‘ladi

Qonunchilik palatasi deputati Rasul Kusherbayevning ma’lum qilishicha, endilikda oilaviy bog‘chalar 50 nafargacha bola olishlari mumkin bo‘ladi.

Deputatlar ko‘rib chiqayotgan “Maktabgacha ta’lim va tarbiya to‘g‘risida”gi O‘zbekiston qonuniga o‘zgartishlar kiritish bo‘yicha loyihada Oilaviy nodavlat maktabgacha ta’lim tashkilotlarida ko‘pi bilan ellik nafar maktabgacha bo‘lgan yoshdagi bolaning ta’lim va tarbiya olishiga yo‘l qo‘yilishi belgilanmoqda.

Hozircha oilaviy MTTda ko‘pi bilan yigirma besh nafargacha bolaning ta’lim va tarbiya olishiga yo‘l qo‘yilishi mumkin.

Avvalroq O‘zbekistonda oilaviy bog‘chalarga 3 yoshga to‘lmagan bolalarni ham qabul qilishga ruxsat berilishi ma’lum qilingandi. Qarorga muvofiq,

oilaviy nodavlat bog‘chalarda:

• qatnayotgan ijtimoiy ko‘makka muhtoj oilalar farzandlari va maxsus kontingentlar soni tarbiyalanuvchilar sonining 70 foizidan kam bo‘lganda, yetmagan qismiga boshqa oilalarning bolalarini qabul qilishga ruxsat etilishi;
• tarbiyachi va tarbiyachi-yordamchi lavozimlari uchun 4,5 tagacha shtat birligini ajratishga ruxsat etilishi;
• tarbiyachi va tarbiyachi-yordamchilarga budjetdan ish haqini qoplash uchun subsidiya to‘g‘ridan to‘g‘ri ushbu xodimlarning plastik kartasiga o‘tkazib berilishi belgilangan va 2020-yil 1-sentabrdan kuchga kirgan.

• O‘zbekistonda bolalarni davlat maktabgacha ta’lim tashkilotlariga qabul qilish tartibi belgilandi
• O‘zbekistonda farzandi xususiy bog‘cha va maktablarga boradigan fuqarolarga soliq imtiyozi beriladi