Nukus voqealarida ayblanayotganlar sudi davom etmoqda: asosiy gumonlanuvchilardan biri ikkinchisini firibgar deb atadi

Buxoro viloyati sudida Nukus voqealarida ayblanayotganlar sudi davom etmoqda. Sudning ikkinchi kunida so‘z olgan ayblanuvchi Azamat Turdanov Dauletmurad Tajimuratovni jinoyatchi va firibgar deb atadi.

Turdanovning sudda aytishicha, 2022-yilning 1-iyul kuni Dauletmurad Tajimuratov Azamat Turdanovga telefon orqali SMS-xabarnoma yozib, u haqida internetda video tarqatishini, xafa bo‘lmasligi kerakligini bildirgan. Bunga javoban Azamat Turdanov shoshmay tur, hozir turgan joyingga boraman degan.

Turdanov namoyishga Yoshlar markazi binosidan chiqib tasodifan qo‘shilganini aytmoqda. U Yoshlar markazi binosidan chiqib qaytayotganda bozor yonida to‘plangan olamonni ko‘rgan. Yig‘ilganlar orasida Jo‘qorg‘i Kengesning sobiq raisi Murat Kamalov mashinasi ko‘ringach, olamon ochiga kirgan.

Dauletmurad Tajimuratov Azamat Turdanovning bu gaplaridan so‘ng unga yuzlanib, savollar berdi. Va tergov davomida bergan ko‘rsatmasida Tajimuratov Qoraqalpog‘iston rahbari bo‘lsa, unga lavozim va’da qilganini aytganini, ularning o‘rtasida shunday muloqot qachon bo‘lganini so‘radi.

Azamat Turdanov 2022-yilning 1—2-iyul kunlari Nukus shahridagi ommaviy tartibsizliklarda sportchilarning ishtirok etishini ta’minlagan va Dauletmurat Tajimuratovni yelkasiga o‘tqazib, Jo‘qorg‘i Kengesni egallash maqsadida olib borgan.

Sudlanuvchining aytishicha, u bu ishni o‘zi xohlab amalga oshirgan. Uni bunga hech kim majburlamagan.