Jizzax viloyati Sharof Rashidov tumanida otxonaga o‘t qo‘yilishi oqibatida 17 bosh toy nobud bo‘ldi. Bu haqda viloyat IIB matbuot xizmati xabar berdi.
Ma’lum bo‘lishicha, “Qangli” mahalla fuqarolar yig‘inida istiqomat qiluvchi S.A tumanning “Nurafshon” mahallasida yashovchi otasi A.J.ning “Yoyilma” mahallasi hududidagi otxona hamda u yerdagi mol-mulklarini ukasi A.S.ga berganidan norozi bo‘lgan.
Shu sababli mol-mulk noto‘g‘ri taqsimlandi, deb hisoblab S.A. otxonaga benzin sepib, yoqib yuborgan. Oqibatda qiymati 102 million so‘mlik 17 bosh toy hamda bozor narxi 145 million 700 ming so‘mlik beda g‘arami hamda otxonaning tom qismi yonib ketgan.
Holat yuzasidan jinoyat ishi qo‘zg‘atilgan.
Izoh (0)