Futbol bo‘yicha JCH—2022 3-turidan o‘rin olgan A guruhining ikki o‘yini 29-noyabr, seshanab kuni bo‘lib o‘tdi.
Niderlandiya musobaqa mezboni Qatar bilan bahs olib bordi. Uchrashuvning 26-daqiqasida Kodi Gakpo hisobni ochdi. 49-daqiqada Frenki de Yong hisobni ishonchli ko‘rinishga olib keldi. Qolgan daqiqalarda darvozalar ishg‘ol etilmadi.
Guruhning ikkinchi o‘yinida Ekvador va Senegal o‘zaro bahs olib bordi. Birinchi bo‘lim so‘ngida Ismaila Sarr penaltini aniq amalga oshirib, Senegalni hisobda oldinga olib chiqdi. 67-daqiqada Moyzes Kaysedo muvozanatni tikladi. Biroq bir necha daqiqa o‘tib, Kalidu Kulibali Senegalning navbatdagi golini urdi.
Shu tariqa Niderlandiya 7 ochko bilan A guruhi yetakchisi sifatida pley-offga yo‘l oldi. Senegal esa 6 ochko bilan 2-pog‘onani band etdi. Ekvador 4 ochko jamg‘ardi, Qatar esa 0 ochko bilan guruh autsayderiga aylandi.
JCH—2022
2-tur bahsi
29-noyabr, seshanba
Niderlandiya — Qatar 2:0
Gollar: 1:0 – 26 Gakpo, 2:0 – 49 de Yong.Niderlandiya: Noppert, Dumfris, van Deyk, Ake, Timber, Blind, de Ron (Kopmeyners, 83), Klassen (Bergeys, 66), de Yong (Taylor, 86), Depay (Yanssen, 66), Gakpo (Vegorst, 82).
Qatar: Barsham, Muhammad, Xuxi, Ro-Ro, Hassan, Ahmed, Hoder, Hatem, Madibo (Budiaf, 64), Alaa, Al-Haydos (Assadalla, 64), Ali (Muntari, 64), Afif.
Ogohlantirish: Ake (52).
Ekvador — Senegal 1:2
Gollar: 0:1 – 44 Sarr (penalti), 1:1 – 67 Kaysedo, 1:2 – 70 Kulibali.Ekvador: Galindes, Presiado, Torres, Inkapie, Estupinyan, Poroso, Grueso (Sifuentes, 46), Franko (Sarmiento, 46), Kaysedo, Plata, Valensiya, Estrada (Reasko, 64).
Senegal: Mendi, Sabali, Kulibali, Diallo, Yakobs, Mendi, Guye, Guye, Siss, Ndiay, Deng, Sarr, Dia.
Ogohlantirish: Guye (66).
Izoh (0)