Gipertoniya uchun parhez: qon bosimini pasaytiradigan mahsulotlar

Yuqori qon bosimiga qarshi nafaqat dori-darmonlar, balki sog‘lom ovqatlanish bilan ham kurashish mumkin. Ratsionni to‘g‘ri tuzish ayniqsa, gipertoniya va ortiqcha vaznli kishilar uchun dolzarbdir. Wday nashri qon bosimini tabiiy yo‘l bilan pasaytirishga yordam beradigan mahsulotlarni sanab o‘tdi.

Arterial gipertoniyada kunlik oziq-ovqat miqdorini 5-6 teng qismga taqsimlab, oz-ozdan ovqatlanish kerak. Gipertonik bemorlarga oziq-ovqatda o‘zlarini keskin cheklash, och qolish mumkin emas. Shu bilan birga, qon tomirlarining torayishi va tiqilib qolishiga hissa qo‘shadigan mahsulotdan bosh tortish kerak. Bunday mahsulotlarga sariyog‘, qaymoq, kolbasa, yog‘li go‘sht, tuzlangan baliq kiradi.

Pishloq, pomidor, ananaslar koagulyatsion xususiyatlarga ega. Qon tomirlarining spazmi spirtli ichimliklar, qahva, ko‘k va qora choy tufayli yuzaga keladi.

Gipertonik bemorlar ratsionga bosimni imkon qadar pasaytiradigan mahsulotlarni kiritishi kerak:

• qayin qalampiri, zarchava, sarimsoq, zanjabil;
• kam yog‘li sut mahsulotlari, karkade choyi;
• dengiz mahsulotlari, baliqlar;
• sovuq presslangan o‘simlik yog‘lari;
• lavlagi, kartoshka;
• selder, ukrop, ismaloq;
• quritilgan mevalar, banan, limon;
• xom bodom, pista, yong‘oqlar;
• loviya, soya, yasmiq, suli, grechka;
• klyukva, ryabina.

Har kuni yarim stakan qora smorodina sharbatini ichish ham bosimni pasaytiradi. Gipertoniyada asal bilan yalpizli choyi yordam beradi.

Tez-tez ko‘tariladigan bosimda tuz iste’mol qilishni cheklash kerak. Uni ratsiondan butunlay chiqarib tashlash yaxshiroqdir, chunki u organizmdagi suvni ushlab turadi va shu bilan qon aylanishini buzadi. Parhezli taomlarni ko‘katlar, limon sharbati bilan tatib ko‘rish mumkin.

Gipertonik bemorlar uchun haftalik ratsion

Nonushta qaynatilgan go‘shtli vinegret salati, bug‘ pishirilgan omlet, yumshoq qaynatilgan tuxum, grechka yoki suli yormasi, yong‘oq va tvorogdan iborat bo‘lishi mumkin. Erta tongda yangi karam, sabzi, olma salati, bir stakan choy ichiladi va 3 soatdan keyin yana ovatlanish kerak.

Taxminiy tushlik menyusi quyidagicha:

• vegetarianlar borshi, befstroganof, po‘stloqli kartoshka;
• sabzavotli sho‘rva, bug‘da pishirilgan kotlet, grechkali bo‘tqa;
• tovuq sho‘rva, guruchli bo‘tqa;
• go‘shtli borsh, quritilgan o‘rikli palov;
• baliq sho‘rva, salat bargi va kartoshka pyuresi;
• sabzavotli sho‘rva, do‘lma, qaynatilgan lavlagi.

Ichimlik sifatida kompot, sabzi sharbati, na’matak choyini ichish mumkin.

Kechki ovqat uchun tvorog va yong‘oqdan tayyorlangan taomlar, baliqli sabzavotli salatlar, sabzi kotletlari, qovoqchli oladyelar mos keladi. Kun davomida 2 bo‘lak non, 15 gramm sariyog‘, 50 gramm shakar iste’mol qilish mumkin. Yotishdan 2 soat oldin bir stakan yogurt yoki kefir ichilishi kerak. Umumiy qilib aytganda, gipertoniyada tuz, kofein, spirtli ichimliklar, yog‘li ovqatlardan voz kechish, shakar iste’mol qilishni kamaytirish muhim.