AQSHda olimlar plastik chiqindini qayta ishlab farmatsevtik birikma oldi

Kaliforniya universiteti (AQSH) tadqiqot guruhi plastik chiqindilarni qayta ishlashning yangi usulini taklif qildi. Bu haqda Phys.org xabar berdi.

Yangi tadqiqot mualliflari polietilenni qayta ishlash uchun kombinatsiyalangan kimyoviy-biologik usuldan foydalangan. Natijada ular farmatsevtika uchun qimmatli birikmalarni olishga muvaffaq bo‘lgan. Tajribada Shimoliy Tinch okeani girdobidagi polietilen chiqindilar qo‘llanilgan. Birinchi bosqichda polietilen bir qator karbon kislotalarga aylantirilgan.

Shundan so‘ng ikki asosli kislotalar Aspergillus nidulans zamburug‘lari moddalari bilan “oziqlantirilgan”. Bu yo‘l bilan ular asperbenzaldegid, sitreoviridin va mutilinga (molekulyar massalar) aylantirilgan. Mazkur moddalar saraton, Alsgeymer kasalligiga qarshi dorilar uchun mumkin bo‘lgan asos sifatida ko‘rib chiqiladi.

Qisqa zanjirli kislotalar esa tadqiqotda ajratib olingan, chunki ular zamburug‘lar uchun toksik hisoblanadi. Olimlarning fikricha, ulardan biologik parchalanadigan plastmassalarni sintez qilish uchun xom ashyo sifatida foydalanish mumkin. Tadqiqot mualliflari kelajakda bu yo‘l bilan ko‘plab biologik faol moddalarni olish mumkinligini ta’kidlamoqda.