Yaqinda bankrot bo‘lgan kriptovalyuta birjasi — FTX bilan yaqindan ishlagan AQSHning yirik kriptovalyuta birjasi BlockFi ham bankrotlik to‘g‘risida ariza berdi. Bu haqda The Wall Street Journal xabar bermoqda.
Nashr ma’lumotlariga ko‘ra, BlockFi kriptovalyutalarda taxminan 14 dan 20 milliard dollargacha bo‘lgan foydalanuvchi depozitlarini to‘plagan va ular tomonidan kafolatlangan 7,5 milliard dollarlik kreditlarni bergan. Birja FTXdan mablag‘ni faol jalb qilgan, ular hatto bir nuqtada BlockFi’ni sotib olish imkoniyatini ham ko‘rib chiqqan.
AQSH kriptovalyuta bozori FTX bankrotligi e’lon qilinganidan so‘ng beqarorlik davrini boshdan kechirishda davom etmoqda.
Avvalroq Bloomberg Genesis kriptovalyuta birjasi bankrotlik yoqasida ekanligi haqida xabar bergan edi. 4-noyabr kuni FTX Twitter’da bankrotlik to‘g‘risida ariza berganini e’lon qilgandi.
Izoh (0)