Rossiyaning Perm shahrida qiyin ahvolda qolgan O‘zbekiston fuqarolariga yordam ko‘rsatildi, deb xabar berdi Tashqi mehnat migratsiyasi agentligi.
Ma’lum bo‘lishicha, buxorolik K.S. joriy yil fevral oyida Perm shahriga ishlash uchun boradi. Biroq noyabrda ishdan tashqari vaqtida avtobusdan ehtiyotsizlik oqibatida yiqilib, og‘ir tan jarohati oladi. Oqibatda mehnat qilish qobiliyatini yo‘qotib, murakkab moliyaviy vaziyatda qoladi.
Shuningdek, farg‘onalik T.R. 2021-yilda turmush o‘rtog‘i bilan Rossiyada ishlash uchun boradi. Noma’lum sabablarga ko‘ra, T.R.ning turmush o‘rtog‘i Rossiya hududidan deportatsiya qilinadi. Shu sababli fuqaro to‘rt oylik chaqalog‘i bilan murakkab moliyaviy vaziyatga tushib qoladi. Salomatligi ham yomonlashadi.
O‘zbekistonliklarga Xorijda mehnat faoliyatini amalga oshiruvchi fuqarolarni qo‘llab-quvvatlash hamda ularning huquq va manfaatlarini himoya qilish jamg‘armasi tomonidan yordam ko‘rsatilib, Perm—Toshkent hamda Sankt-Peterburg—Toshkent yo‘nalishlaridagi aviareyslarga chipta olib berilgan va vatanga qaytarilgan.
Izoh (1)
Sarlavhaga eʼtibor bering! oʻzbekiston (Oʻzbekiston), matnda buxoro-Buxoro. Bunday xatolar sizda odatiy holga aylanyapti, har bir maqola chiqarilishidan oldin tekshirilishi kerak menimcha! Nooʻrin va notoʻgʻri yozgan boʻlsam uzr soʻrayman.