G‘arb davlatlari Rossiya neftiga yuqori narx chegarasini joriy etish borasida haligacha kelisha olmayapti. RBC Capital Markets investitsiya banki esa narx chegarasi Rossiya daromadiga ta’sir qilishi dargumon deb hisoblaydi. Bu haqda “Kommersant” xabar bermoqda.
Ommaviy axborot vositalari Yevropa Ittifoqi mamlakatlari neftning maksimal narxini bir barrel uchun 65-70 dollar oralig‘ida belgilamoqchi ekanlini yozgan.
Ushbu narx oralig‘ida Rossiya daromadining kamayishi haqida emas, balki inflyatsiyani pasaytirish haqida gapirish kerak, — dedi RBC Capital Markets tovar strategiyasi rahbari Helima Croft.
CNNning qayd etishicha, neft narxining pasayishi jahon energetika inqirozini yanada kuchaytirishi mumkin. Ayniqsa, bunga Rossiya javob qaytarsa vaziyat keskinlashadi.
Ma’lumotlarga ko‘ra, Yevropa Ittifoqi tomonidan bir barrel neft uchun maksimal narxni 65-70 dollar oralig‘ida belgilash taklifi muhokama qilingan. Biroq bu ba’zi davlatlar uchun juda past, boshqalari uchun esa yuqori bo‘lib chiqqan.
Polsha, Litva va Estoniya bir barrel uchun 65-70 dollar Rossiyaga juda yuqori foyda keltiradi, deb hisoblaydi, chunki ishlab chiqarish tannarxi bir barrel uchun 20 dollarni tashkil qiladi.
Kipr, Gretsiya va Malta — Rossiya neftini tankerlar orqali tashish orqali kun kechirayotgan davlatlar yuqori chegara juda past ekanligini aytdi. Shuningdek, yo‘qolgan biznes uchun kompensatsiya yoki yangi sharoitlarga moslashish uchun ko‘proq vaqt talab qilmoqda.
Polsha bir barrel uchun 30 dollardan baland narxga rozi emas. Kipr tovon puli talab qilmoqda. Gretsiyaga esa ko‘proq vaqt kerak, — deyiladi materialda.
Yakuniy qaror barcha elchilarning roziligini talab qiladi. Rossiya neftining bozor qiymati hozir 68 dollar atrofida.
Avvalroq Yevropa Ittifoqi Rossiya neftining yuqori narx chegarasini 65-70 dollar qilib belgilashi haqida xabar berilgandi.
Mavzuga doir:
Izoh (0)