Qanday qilib yuk tashish xarajatlarini kamaytirish, yukning yo‘qolib qolish xavfidan o‘zini himoyalash, vositachilarsiz ishlash, haydovchilarning benzin bilan hiyla-nayranglarining oldini olish va yukni o‘z vaqtida yetkazib berishni ta’minlash mumkin.
O‘zbekistonda avtomobilda yuk tashishlarga ehtiyoj tobora ortmoqda. ATI.SU yuk tashishlar bo‘yicha birjasining ma’lumotlariga ko‘ra 2022-yilning 3 choragida mahalliy yuk tashishlarga ehtiyoj 2-martaga, xalqaro yuk tashishlarga esa 1,5-martaga oshdi.
Lekin yuk jo‘natuvchilar — ishlab chiqaruvchilar, riteylerlar, distribyutorlar va tovar yetkazib beruvchilar — bir qator xavf-xatarlarga duch keladilar:
- har doim ham pudratchini o‘z vaqtida topib va yukni jo‘natib bo‘lmaydi;
- eski hamkorlar yuqori yuklanishni bahona qilib narxlarni oshirishi mumkin;
- bozorda yangi yuk tashuvchilar paydo bo‘ladi va ularning barchasi ham halol va shaffof ishlamaydi.
1. Narxlarni oshirmaydigan yuk tashuvchini tanlaymiz
Ilgari kompaniyalar ro‘yxati Excel saqlanadigan hamkorlarning cheklangan doirasi bilan ishlaganlar. Bugungi kunda biznes raqamli maydonchalardan foydalanishga o‘tmoqda, u yerda bajaruvchilarning keng doirasi uchun yukni tashib berishga buyurtmalar joylashtiriladi. Yuqori raqobat yuk tashishlarga narxlarning pasayishiga yordam beradi.
Raqamli maydonchalar jarayondan vositachilarni chiqarib tashlash imkonini beradi – bular o‘zining avtoparkiga ega bo‘lmagan, lekin yuk jo‘natuvchidan to‘g‘ridan-to‘g‘ri buyurtmalarni oladigan va o‘zining foizi hisobiga ularni haqiqiy yuk tashuvchilarda joylashtiradigan kompaniyalar va odamlar. Bunday “ortiqcha bo‘g‘in” yuk tashishlar qiymatining 20% gachasini o‘ziga olib qolishi mumkin.
2. Yuk tashuvchining ishonchliligini tekshiramiz: firma bo‘yicha to‘liq axborot
Raqamli maydonchalar yuk tashuvchining halolligini baholash imkonini beradi. Masalan, ATI.SU yuk tashishlar birjasida ro‘yxatga olingan kompaniyalar ular bo‘yicha bildirilgan fikrlar va tavsiyanomalar bilan o‘rtoqlashadilar, har bir ishtirokchi o‘z reytingiga ega.
Bundan tashqari, birjada kontragentlarni tekshirishning qo‘shimcha servislari ishlaydi. Yuk jo‘natuvi yuk tashuvchining bankrot emasligi, qarzlari yo‘qligi va unga nisbatan da’vo arizalari berilmaganligini tekshirishi mumkin. Haydovchining ishonchli ekanligini tekshirish imkoniyati ham mavjud.
3. Buyurtmalarni avtomat tarzida taqsimlaymiz: mehnat xarajatlari va korrupsiya xavfini pasaytiramiz
Buyurtmalarni avtomat tarzida taqsimlash - mehnat xarajatlarini, ayniqsa tovar aylanmasi katta va bir kunda o‘nlab yuk jo‘natishlarni amalga oshiradigan yirik kompaniyalar faoliyatini ancha osonlashtiradi. Buning uchun ishonchli yuk tashuvchilar ro‘yxatini yaratish kerak, tizim esa ushbu ro‘yxatdan parametrlarni sozlay oladigan ma’lum bir bajaruvchini tayinlaydi.
Shuningdek logistika sohasida halol bo‘lmagan sxemalar ham mavjud, bunda buyurtma bajaruvchisi biror-bir mukofot evaziga tanlanadi yoki unga ustunlik beriladi. Bu yuk tashish narxiga qo‘shiladi va uni sezilarli oshirib yuboradi. “Raqamli logist” yuk tashuvchilarni betaraflik asosida tanlaydi, tez, tanaffuslarsiz va dam olish kunlarisiz ishlaydi.
4. Yuk tashishlarni monitoring qilamiz: yukning yo‘qolib qolish va haydovchilarning hiyla-nayranglari xavfini pasaytiramiz
Navigatsiyaning yo‘ldoshli tizimlari va haydovchilar uchun mobil ilovalar logistlarni mashaqqatli ishlardan ozod qiladi. Endi yo‘nalishni qo‘lda tuzib o‘tirishga hojat yo‘q. U yo‘ldagi vaziyatlarni va ruxsat etilgan tezlikni hisobga olgan holda avtomat tarzida quriladi, harakatlanish va kechikishlar esa tizimdan ko‘rinib turadi. Bu yukning yo‘qolib qolishi yoki o‘g‘irlab ketilishi, shuningdek haydovchining yo‘l harakati qoidalarini buzishlari – tezlikni oshirish yoki yo‘nalishdan chetga chiqish xavfini pasaytiradi.
Bosib o‘tilgan yo‘lning yonilg‘i o‘rtacha sarfiga nisbati hiyla-nayranglarning (masalan, benzinning bakdan to‘kilishi yoki yonilg‘ining bak yonidan quyilishi) oldini olishga yordam beradi. Bundan tashqari, mobil ilovadan foydalanish logistika xizmatlarining sifatini oshirgan holda yukni yetkazib berish muddatini yanada aniqroq belgilashga yordam beradi.
5. Hisobotlarni tahlil qilamiz: eng yaxshi yuk tashuvchilar va xodimlarni aniqlaymiz
Raqamli maydonlardan foydalanuvchilar kengaytirilgan tahliliy ma’lumotlardan foydalanishlari mumkin. Xodimlarning endi axborot to‘plash va unga ishlov berishga vaqt sarflashiga hojat yo‘q — hisobotlar yuklar bilan ishlashni tushunarli va shaffof qiladi.
- Yuk tashishlar bo‘yicha hisobot har bir bajaruvchi bo‘yicha o‘z buyurtmalarini, yukni tashishga qabul qilishga javob berishning o‘rtacha vaqtini, yukni tashib berishni rad qilishlarni, yuk tashishlarning umumiy va o‘rtacha qiymatini tahlil qilish imkonini beradi.
- Yo‘nalishlar bo‘yicha hisobot kompaniya yuklarni ko‘proq qaysi joylarga jo‘natganligi, bu qanchaga tushganligini va buyurtmani qaysi yuk tashuvchilar bajarganligini tahlil qilishga yordam beradi.
- Menejerlar bo‘yicha hisobot xodimlarning umuman buyurtmalar va har bir buyurtma bo‘yicha natijalarini ko‘rsatadi.
Telefon: +9988 90-821-00-52 faridun.v@ati.su
Reklama huquqi asosida.
Izoh (0)