Farg‘ona—Toshkent aviareysi qoldirildi

Uzbekistan Airways aviakompaniyasining ma’lum qilishicha, 26-noyabr kuni Farg‘ona xalqaro aeroportida noqulay ob-havo sharoiti tufayli Istanbul—Farg‘ona reysi Toshkent xalqaro aeroportiga yo‘naltirildi.

Shu munosabat bilan Farg‘ona—Toshkent reysi qoldirilgan. Yo‘lovchilar bekor bo‘lgan qatnov aviachiptalarining to‘liq qiymatini chipta sotib olingan joyda qaytarib olish yoki boshqa sanaga bepul qayta bronlash huquqiga ega.

Uzbekistan Airways AJ axborot xizmati aviakompaniya uchun yo‘lovchilar xavfsizligi yuqori o‘rinda turishini eslatib o‘tadi. Keltirilgan noqulayliklar uchun yo‘lovchilar va ularni kutib oluvchilardan uzr so‘raymiz, — deyiladi xabarda.

Mavzuga doir:

• Parijdan Toshkentga uchgan samolyot noqulay ob-havo sabab Samarqandga yo‘naltirildi
• Toshkentdan Moskva, Istanbul, Dubay va boshqa shaharlarga rejalashtirilgan reyslar kechiktirildi