Futbol bo‘yicha JCH—2022 2-turida Uels terma jamoasi 25-noyabr, juma kuni Eron bilan bahs olib bordi.
Uchrashuvning asosiy daqiqalarida hisob ochilmadi. 86-daqiqada Uels posboni Ueyn Hennessi qizil kartochka olib, maydonni tark etdi. Hakam qo‘shib bergan 90+9-daqiqada Cheshmi, oradan ikki daqiqa o‘tib, Rezayan raqib darvozasini ishg‘ol qildi.
Shu tariqa Eron ochkolarini 3 taga yetkazib, 2-o‘ringa chiqib oldi. Uels esa 1 ochko bilan 4-pog‘onaga tushib ketdi.
B guruhining ikkinchi o‘yini Angliya va AQSH jamoalari o‘rtasida kechadi. Uchrashuv 00:00 da start oladi.
JCH—2022
2-tur bahsi
25-noyabr, juma
Uels — Eron 0:2
Gollar: 0:1 – 90+9 Cheshmi, 0:2 – 90+11 Rizayan.Uels: Hennessi, Roberts (Jonson, 57), Devis, Rodon, Mifem, Uilyams, Ampadu (Allen, 77), Remzi (Uord, 87), Uilson (Jeyms, 58), Beyl, Mur.
Eron: Hosseyni, Rizayan, Puraliganji, Hosseyni, Muhammadi, Golizade (Jahonbaxsh, 77), Hajsafi (Torabi, 77), Ezzatollahi (Karimi, 83), Nurollahi (Cheshmi, 78), Taremi, Azmun (Ansarifard, 68).
Ogohlantirishlar: Rodon (45), Rezayan (90+5), Jahonbaxsh (90+5).
Chetlatish: Hennessi (86).
Izoh (0)