Surxondaryo viloyatining Denov tumanida fermer xo‘jaligi raisi o‘zi rahbarlik qilayotgan fermer xo‘jaligiga tegishli bo‘lgan yerni sotmoqchi bo‘lganida qo‘lga tushdi. Bu haqda O‘zA xabar berdi.

Ma’lum qilinishicha, “Qoraxon Xalifa Denov” fermer xo‘jaligi raisi M.X. o‘zi rahbarlik qilayotgan fermer xo‘jaligiga tegishli bo‘lgan 1 gektar yer maydonini fuqaro I.Q.ga 100 ming dollarga sotishga kelishgan.

23-noyabr kuni kelishilgan puldan 20 ming dollarni olayotgan vaqtda DXX Surxondaryo viloyati bo‘yicha boshqarmasi hamda Bosh prokuratura departamenti Denov tuman bo‘limi hamkorligida o‘tkazilgan tezkor tadbirda ushlangan.

Hozirda mazkur holat yuzasidan tergov harakatlari olib borilmoqda.

Mavzuga doir:

• Buxoroda 1,12 gektar yerni 120 ming dollarga noqonuniy sotmoqchi bo‘lganlar ushlandi
• Xorazmda hokimlik zaxirasidagi 0,4 gektar yerni 600 mln so‘mga sotmoqchi bo‘lgan shaxs ushlandi