Qashqadaryo viloyati Qarshi shahridagi Alisher Navoiy istirohat bog‘ida joylashgan attraksionlardan birida 20-noyabr kuni 13 yoshli qiz yiqilib tushib, og‘ir jarohat olgani aytilmoqda. Bu haqda Nasafnews xabar berdi.
Ma’lum bo‘lishicha, qiz voqea oqibatida bosh miyasidan og‘ir jarohat olgan. Ayni paytda u Qarshi shahridagi tez yordam markazining neyroxirurgiya bo‘limida davolanmoqda. Qiz va uning onasi so‘zlariga ko‘ra, shu kuni attraksionda nosozlik yuzaga kelib, xavfsizlik uchun o‘rnatilgan kichik temir ustun chiqib ketgan. Shundan keyin qiz attraksiondan pastga yiqilgan.
Istirohat bog‘idagi attraksionga biriktirilgan mas’ul tadbirkor bilan suhbatlashilganda u holatni rad etmagan va keyingi qo‘ng‘iroqlar javobsiz qoldirilgan. Hozirda attraksion ish faoliyatini olib borayotgani ta’kidlangan.
Mavzuga doir:
- Andijonda 5 yoshli qizcha attraksiondan yiqilib tushdi (video)
- Namanganda 14 yashar bola bog‘dagi attraksionni harakatlantirishga urinib, yiqilib tushdi. Unga hech qanday jarohat yetmagani aytilmoqda (video)
- O‘zbekistonda ko‘ngilochar maskanlarda attraksionlardan foydalanish uchun mavsum oldidan ruxsatnoma olish belgilandi
- O‘zbekistondagi istirohat bog‘larida joylashgan 574 ta attraksion texnik nosoz deb topildi
Izoh (0)