Namangandagi xonadonda uch kishi is gazidan zaharlanib vafot etdi

Namangan viloyatining Pop tumanidagi xonadonda uch kishi is gazidan zaharlanish oqibatida vafot etdi.

Bosh prokuratura matbuot xizmatining “Daryo”ga ma’lum qilishicha, voqea 20-noyabr kuni soat 16:00 larda yuz bergan. Pop tumani “Tinchlik” mahallasida yashovchi 1971-yilda tug‘ilgan E.T. 2016-yilda tug‘ilgan nabirasi F.T. hamda mehmonga kelgan qaynonasi — 1947-yilda tug‘ilgan D.Yu. uyni isitish uchun o‘rnatilgan temirdan yasalgan pechkaga yoqilgan tabiiy gazdan chiqqan is gazidan zaharlanib, voqea joyida vafot etgan.

Mazkur holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.

Shu kuni Qashqadaryoda 17 yoshli abituriyent qiz ijaradagi uyida is gazidan zaharlanib vafot etgandi.

Mavzuga doir:

• Xorazm va Jizzaxda is gazidan jami 5 kishi vafot etdi
• Jizzaxda ayol va uning ikki farzandi is gazidan zaharlanib, vafot etgani tasdiqlandi