Jizzax viloyati G‘allaorol tumanida haydovchilik guvohnomasini olib berishni va’da qilgan o‘rgatuvchi usta ushlandi, deb xabar beradi Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Jizzax viloyat boshqarmasi tomonidan IIB xodimlari bilan hamkorlikda tezkor tadbir o‘tkazilgan. Unda “G‘allaorol o‘quv-sport texnika klubi” UK o‘rgatuvchi ustasi O‘.B. fuqaro D.J.ning ishonchiga kirib, unga “B” va “C” toifali haydovchilik guvohnomasi olib berish evaziga 4,5 million so‘mni olgan vaqtda ashyoviy dallilar bilan qo‘lga olingan.
Holat yuzasidan Jinoyat kodeksining 25,168-moddasi (firibgarlik) bilan jinoyat ishi qo‘zg‘atilgan. Hozirda tergov harakatlari o‘tkazilmoqda
Izoh (0)