Tailand janubida joylashgan Pxuket shahri, Muang tumanidagi politsiya bo‘limida portlash sodir bo‘ldi. Oqibatda kamida 1 kishi halok bo‘ldi, ko‘plab odamlar yaralandi. Bu haqda Daily Express xabar bermoqda.
Dastlabki versiyaga ko‘ra, minalangan avtomobil portlagan. Gazetaning yozishicha, kamida 15 kishi jarohatlangan.
Reuters mahalliy politsiya vakiliga tayanib, 10 kishi yaralangani haqida yozdi. Huquq-tartibot idoralari qurbonlar soni ortishi mumkinligini taxmin qilmoqda. Voqea bo‘yicha boshqa tafsilotlar keltirilmagan.
Sentabr oyida Turkiyadagi politsiya binosi yonida portlash sodir bo‘lgan edi. Mamlakat IIV ma’lumotlariga ko‘ra, huquq-tartibot xodimlari niqobi ostida kurd terrorchilari politsiya binosiga kirishga uringan, ularni qo‘lga olish chog‘ida otishma boshlangan. Bir nafar politsiyachi halok bo‘lgan.
Shuningdek, Istanbul markazidagi mashhur sayyohlik ko‘chasi Istiqlolda 13-noyabr kuni portlash sodir bo‘ldi. Olti kishi halok bo‘ldi, kamida 81 kishi, jumladan, O‘zbekiston fuqarosi jarohat oldi. Istanbul Bosh prokuraturasi portlashni terakt deb baholadi.
Izoh (0)