Rossiya neft narxiga chegara joriy etgan davlatlarga xomashyo sotishni rejalashtirmayapti — Novak

Rossiya narxlarning yuqori chegarasini joriy qiladigan mamlakatlarga neft va neft mahsulotlarini yetkazib berishni rejalashtirmayapti. Bu haqda mamlakat bosh vazir o‘rinbosari Aleksandr Novakka tayanib “RBK” xabar bermoqda.

Rossiya jahon bozoriga ishonchli energiya yetkazib beruvchi maqomini va sheriklar bilan munosabatlardagi bozor holatini tasdiqlaydi. Shu munosabat bilan biz neft mahsulotlari narxlarning chegaraviy tamoyilini qo‘llaydigan mamlakatlarga yetkazib berishni rejalashtirmayapmiz, — dedi Bosh vazir o‘rinbosari.

Unga ko‘ra, mamlakat bunga keyinchalik xomashyoni hamkor bozorlarga yo‘naltirib yoki ishlab chiqarishni qisqartirib erishmoqchi.

Novak, shuningdek, energetika sektorini siyosiylashtirish oqibatida resurslarning tanqisligi va energiya ta’minoti bilan bog‘liq muammolar bo‘lishi mumkinligini ta’kidladi, chunki bu neft bozori faoliyatining tamoyillarini buzishga, investitsiyalar hajmining pasayishiga va taklifning qisqarishiga sabab bo‘ladi.

G7 davlatlari sentabr oyidan Rossiya neft mahsulotlari uchun maksimal narxlarni joriy etishga kelishib olgan. Cheklovlar Rossiyaning daromadlarini kamaytirish va Ukraina hududidagi urushni moliyalashtirish qobiliyatiga ta’sir qilish maqsadida kiritiladi.

Shuningdek, bunday qadamlar urushning jahon energiya narxlariga ta’sirini yumshatishi kerak.

Mavzuga doir:

• G7 davlatlari 23-noyabr kuni Rossiya nefti narxining maksimal darajasini e’lon qilmoqchi — Bloomberg;
• Yevropa Ittifoqi Rossiya neftiga yuqori narx chegarasini belgilashga tayyorligi ma’lum qilindi.