“Barselona” yetakchi, “Manchester Yunayted” — 4, “Roma” 8-o‘rinda. Tomoshabinlar sig‘imi bo‘yicha yetakchi Yevropa klublari

Yevropa top-5 chempionatlarida eng ko‘p tomoshabin to‘playotgan klublar nomi e’lon qildi.

La Liga 2022/23-yilgi mavsumining dastlabki qismida “Kamp Nou”ga har o‘yinga o‘rtacha 83 194 tomoshabin tashrif buyurgan, deya xabar qilmoqda Mundo Deportivo. Katalonlarning ikkita o‘yiniga joriy mavsum 90 mingdan ko‘p tomoshabin kelgan — “Inter”ga qarshi (3:3, 92 302) va “Almeriya”ga qarshi (2:0, 92 605) o‘yinlarda.

O‘rtacha tomoshabin sig‘imi bo‘yicha top-10 lik quyidagi ko‘rinishni olgan:

1. “Barselona” (83 194)
2. “Borussiya D” (81 032)
3. “Bavariya” (75 007)
4. “Manchester Yunayted” (74 184)
5. “Milan” (72 656)
6. “Inter” (72 080)
7. “Marsel” (62 136)
8. “Roma” (61 794)
9. “Shalke-04” (60 870)
10. “Arsenal” (60 135).