Xersondagi “qiynoq kameralari”, Rossiya qo‘shinlaridan qolgan texnika va ashyolar. Urushning 266-kunidan fotoreportaj
Ukraina Qurolli kuchlari 15-noyabr kungi ommaviy hujum chog‘ida Rossiya Ukraina shaharlariga yuzga yaqin raketa uchirganini ma’lum qildi. Ukraina energetika vaziri German Galushenko voqeani “urush boshlanganidan beri energetika sektoriga berilgan eng katta zarba” deb atadi. Ukraina harbiylarining AQSH va uning ittifoqchilariga ma’lum qilishicha, 15-noyabr kuni ular Polshada raketa qulagan joy yaqinida Rossiya raketasini urib tushirishga uringan. AQSH yakuniy xulosalar qanday bo‘lishidan qat’i nazar, Polsha hududiga raketalarning qulashi uchun Rossiya javobgar, deb hisoblamoqda. Rossiya Tashqi ishlar vazirligi voqeaga aloqadorligini rad etmoqda. Ukraina Xavfsizlik xizmati Xersonda rus harbiylari tomonidan shaharni okkupatsiya qilish vaqtida foydalanilgan “qiynoq kameralari” topilganini da’vo qilmoqda. “Vagner” guruhi a’zolari kamida 40 nafar urush qatnashchisini sudsiz qatl qilgan, deb xabar berdi “Rus sidyashaya” inson huquqlari loyihasi asoschisi Olga Romanova.
Meduza urushning 266-kuniga oid asosiy fotosuratlarni taqdim etdi.
Chernobayevkada Rossiya qo‘shinlari tark etgan pozitsiyalar
Rossiya qo‘shinlari Xersondan chekinganidan keyin Chernobayevka aeroporti hududida rus armiyasidan qolgan harbiy texnika bo‘laklari. Chernobayevka — Xersondan 11 kilometr uzoqlikda joylashgan qishloq. Chernobayevkada aeroport borligi sababli, qishloq rus armiyasi uchun strategik ahamiyatga ega edi. 24-fevral kuniyoq Rossiya aeroportga zarba berdi va uch kundan keyin uni egallab oldi. O‘sha kundan beri Ukraina Qurolli kuchlari aeroportni muntazam ravishda o‘qqa tutdi: prezident ofisi rahbari maslahatchisi Aleksiy Arestovichning so‘zlariga ko‘ra, 10-iyulga qadar Ukraina qo‘shinlari 26 ta hujum uyushtirgan. 11-noyabr kuni Ukraina Qurolli kuchlari Chernobayevkani ozod qildi, 14-noyabrda esa qishloq Rossiya tomonidan o‘qqa tutilgani xabar qilindi.Foto: Reuters
Chernobayevka aerodromida rus qo‘shinlarining tashlab ketilgan harbiy texnikasi. Ukraina Qurolli kuchlari Chernobayevkadagi rus pozitsiyalariga muntazam va muvaffaqiyatli hujum qildi — shuning uchun hatto internetda bu qishloq haqida memlar paydo bo‘ldi.Foto: Reuters
Chernobayevka aerodromida rus qo‘shinlarining yakson qilingan pozitsiyalari.Foto: Reuters
Aeroport hududida rus askarlari tomonidan o‘g‘irlangan muzlatgichlar.Foto: Reuters
Ukraina harbiylari tomonidan aerodromda topilgan odam skeleti.Foto: Reuters
Rossiya armiyasining ishlatilgan artilleriya snaryadlari.Foto: Reuters
Xersondagi gumanitar vaziyat
11-noyabr kuni ozod etilgan Xerson aholisi shaharning bosh maydonida gumanitar yordam tarqatilishini kutmoqda. Xersonda viloyatning butun o‘ng qirg‘oq qismiga uzatiladigan suv ta’minoti tizimi va yirik elektr stansiyasi vayron bo‘lgan, shu bois shaharda elektr va suv yo‘q, aloqa bilan ham muammolar davom etmoqda.Foto: EPA
Xersonliklar oziq-ovqat uchun navbatda.Foto: Reuters
Shahar aholisi Dnepr daryosidan suv olmoqda.Foto: EPA
Shaharning markaziy maydonida selfi tushayotgan xersonliklar.Foto: Getty Images
Xerson aholi suv uchun navbat kutmoqda.Foto: Getty Images
Xersonlik keksa ayol uyida sham yoqmoqda.Foto: Getty Images
Xersondagi tergov izolyatori, u yerda odamlar qiynoqqa solingan bo‘lishi mumkin
Ukraina Xavfsizlik xizmati Xersonda tergov izolyatori topilgani, u yerda rus harbiylari shaharni okkupatsiya qilish vaqtida foydalangan “qiynoq kamerasi” borligini ta’kidlamoqda. “Xerson aholisini so‘roq qilishgan va shafqatsizlarcha qiynoqqa solishgan. Huquq-tartibot idoralari xodimlari qiynoqlar kamerasini ko‘zdan kechirish chog‘ida qiynoq izlariga bevosita dalil bo‘luvchi ashyolarni topdi”, — deyiladi idora bayonotida.Foto: Getty Images
Operator Rossiya harbiylari Xerson aholisini qiynoqqa solgani aytilayotgan tergov izolyatoridagi manzarani suratga olmoqda. Devorda “Rossiyaga shon-sharaf!!! Putinga shon-sharaf!!! Shoyguga shon-sharaf!!!” degan yozuvlar bor.Foto: Reuters
Tergov izolyatoridagi xujralardan birining devoriga yozilgan duo.Foto: Getty Images
Tergov izolyatoridagi xujralardan birining polida yotgan elektr kabellari.Foto: Reuters
Xersondagi tergov izolyatori xujarlaridan birining polida Rossiya bayrog‘i rangidagi mato.Foto: Reuters
Izoh (0)