Eldor Shomurodov: “Rossiyaga qarshi o‘yin bundan-da qiyin kechadi”

O‘zbekiston milliy terma jamoasi hujumchisi Eldor Shomurodov Qozog‘istonga qarshi kechgan o‘rtoqlik o‘yinidan keyin o‘z fikrlari bilan o‘rtoqlashdi.

O‘yin haqida

Birinchi navbatda shu sovuq ob-havoga qaramay stadionga kelgan muxlislarga rahmat aytaman. Birinchi bo‘limda o‘zimizni yaxshi tomondan ko‘rsata oldik, rejalashtirgan barcha o‘ylanmalarni amalga oshira oldik. Gol ura oldik.

Ikkinchi bo‘limda ko‘proq himoyaga e’tibor qaratdik. Gol o‘tkazib yubormaslikka harakat qildik. Biroq kamchiliklarimiz bor, ularni yo‘qotish ustida ishlaysiz. Qozog‘iston terma jamoasi ham yaxshi o‘yin ko‘rsatdi.

Terma jamoa to‘purari Maksim Shatskixning rekordini yangilash borasida

Albatta, bu seni tarixga muhrlaydigan natija. Bunga e’tibor qaratyapman. Xudo xohlasa, rekordni yangilab olsam, uyog‘i yengilroq bo‘ladi deb o‘ylayman (kuladi).

Rossiyaga qarshi bahs haqida

Rossiya bilan bundan-da qiyin o‘yin bo‘ladi. Chunki ular faqat jismoniy tomondan emas, texnika va taktika tomonlama ham ancha kuchli jamoa.

“Roma”dagi holati haqida

“Roma” haqida hech narsa deya olmayman, hozir terma jamoa safidamiz. “Roma” haqida “Roma”da gaplashamiz.

Eldor Shomurodov, futbolchi

Mavzuga doir: Srechko Katanes: “Eldor Shomurodovning gollari bo‘lmaganda allaqachon uyimda bo‘lishim mumkin edi”