Kundalik hayotda xavfsizlik qoidalariga rioya qilinganda ham kichik, ammo yoqimsiz maishiy jarohatlardan qochish mumkin emas. Hech bo‘lmaganda bir marta eshikni beparvolik bilan yopib yuborish yoki uy ishlarini bajarganda barmoqlarni shikastlab olish mumkin. Ammo barmoqlar qattiq qisib olinganda, birinchi navbatda nima qilish kerakligini hamma ham bilmaydi. Wday nashri ushbu vaziyatda foyda beradigan tavsiyalar bilan bo‘lishdi.
Agar og‘riq kuchli va bunga dosh berish qiyin bo‘lsa, sovuq narsa topish kerak. Barmoqni sovuq suvga botirish, muz yoki bir shisha sovitilgan suvga solish tavsiya etiladi. Bordi-yu, yara ochiq bo‘lsa va qon ketsa, barmoqni suvga solish tavsiya etilmaydi, chunki suv oqimi tabiiy ivishning oldini oladi va qon ketishini to‘xtatadi. Og‘riq to‘xtagach, barmoqni diqqat bilan tekshirish shikastlanishning darajasiga qarab, muolaja boshlash kerak. Jarohatlar va zararlar quyidagicha bo‘lishi mumkin.
- Barmoq deformatsiyasi — bu jiddiy jarohat bo‘lib, suyakning sinishi yoki joyidan chiqib ketishi bilan izohlanadi. Bunday jarohat yumshoq to‘qimalarning shikastlanishi va kuchli qon ketishi bilan murakkablashishi mumkin.
- Barmoq deformatsiyalanmaydi, ammo qon ketadi va yumshoq to‘qimalarning shikastlanishi kuzatiladi.
- Barmoq yuzasida tashqi jarohatlar ko‘rinmaydi yoki ular juda kichkina bo‘ladi.
- Tirnoq plastinkasi shikastlanadi. Jarohatlar har xil bo‘lib, barmoq qisib olinganda, unda yoqimsiz og‘riq va shikastlangan manikyurdan tashqari tashvishlanadigan hech narsa bo‘lmaydi.
O‘z vaqtida birinchi yordam berish og‘riq belgisini tezda bartaraf etadi va asoratlarning oldini oladi.
Qon ketishi va ochiq yara. Agar yara ochiq bo‘lsa, qon ketishi kuzatilsa, antiseptik vositalar bilan tezda davolash zarur, qonni to‘xtatish uchun vodorod perekisning tibbiy eritmasi mos keladi. Qon to‘xtagandan so‘ng davolovchi vositalarni surtib, bog‘lab olish lozim.
Jiddiy shikastlanishda ko‘p qon ketishi mumkin, qoida tariqasida, bunday hollarda kichik tomirlar zarar ko‘radi. Qon ketishini zudlik bilan to‘xtatish uchun jgut qo‘llaniladi, uni jarohatning yuqorisiga bog‘lash kerak. Qolaversa, bunday hollarda travmatologdan tibbiy yordam so‘rash tavsiya etiladi.
Barmoqning shakli o‘zgarsa
Barmoqning sinishi yoki lat yeyishi ehtimoli bor va bu tashqi ko‘rinishidan sezilmasligi mumkin, ammo jiddiy shikastlanganda ingichka suyaklarga zarar yetadi. Bunday hollarda shikastlangan barmoqni imkon qadar harakatlantirmaslik kerak.
Eng oson yo‘li — shikastlangan barmoqni yonidagi barmoqqa yoki biror qattiq jismga birlashtirib bog‘lash. Bu shikastlangan suyak to‘qimalarining siljishini bartaraf qiladi va zararni kamaytiradi.
Barmoq ushlab ko‘rilganda, shishgani sezilsa va ko‘karsa
Ko‘zga ko‘rinadigan shikastlanishlarsiz kichik jarohatlar maxsus davolashni talab qilmaydi.
Davolash sifatida yallig‘lanish va og‘riqni yo‘qotish uchun muz qo‘llaniladi. Qattiq og‘riqda og‘riq qoldiruvchi dori vositalarini qabul qilish mumkin.
Izoh (0)