O‘zbekistonda so‘nggi kunlarda qo‘lbola isitish moslamalaridan foydalangan bir qancha fuqarolar is gazidan vafot etdi. Bu haqda Bosh prokuratura “Daryo”ga ma’lum qildi.
Qayd etilishicha, 13-noyabr kuni soat 19:30 larda Xorazm viloyati Urganch shahrida ijara asosida yashovchi fuqarolar D.S. (2001-yilda tug‘ilgan) va R.B. (2007-yilda tug‘ilgan) xonadonia o‘rnatilgan qo‘lbola usulda tayyorlangan isitish qozonidan ajralib chiqqan is gazidan zaharlanib, vafot etgan.
Urganch shahar prokuraturasi tomonidan holat yuzasidan Jinoyat kodeksining 259-moddasi 2-qismi “a” bandi bilan jinoyat ishi qo‘zg‘atilgan.
Bundan tashqari, 15-noyabr kuni soat 08:30 larda Jizzax viloyati Zarbdor tumani “Yangikent” mahallasida yashovchi fuqaro A.A. (1959-yilda tug‘ilgan), voyaga yetmagan nabiralari O.A. (2008-yilda tug‘ilgan) va Ch.T (2010-yilda tug‘ilgan) yashash xonadonida qo‘l bola usulda tayorlangan isitish moslamadan sizib chiqqan is gazidan zaharlanib vafot etgani aniqlangan.
Mazkur holat yuzasidan Zarbdor tumani prokuraturasi tomonidan tergovga qadar tekshiruv harakatlari olib borilmoqda.
Izoh (0)