Xersonda madhiya kuylayotgan Zelenskiy va Ukraina bayrog‘ini ko‘tarayotgan askar. Urushning 264-kunidan fotoreportaj
Ozod qilingan Xersonda Ukraina armiyasi nazorati qayta tiklanganidan uch kun o‘tib, Ukraina prezidenti Vladimir Zelenskiy shaharga tashrif buyurdi. Uning so‘zlariga ko‘ra, shaharda Rossiya harbiylarining bosqin davrida sodir etgan 400 dan ortiq harbiy jinoyatlari hujjatlashtirilgan. Lugansk viloyati rahbari Sergey Gayday Ukraina harbiylari mintaqadagi 12 ta aholi punkti, jumladan, Makeyevkani ham ozod qilganini aytdi. Ukraina Qurolli kuchlari Bosh shtabi hozircha bu ma’lumotga izoh bermadi. Rossiya Mudofaa vazirligi Donetsk viloyatidagi Pavlovka qishlog‘ini egallab olganini e’lon qildi – Ukraina rasmiylari bu ma’lumotni tasdiqlamadi, biroq Primorye dengiz piyodalari avvalroq ushbu aholi punkti uchun janglarda katta yo‘qotishlar ko‘rgani haqida xabar bergandi.
Meduza urushning 264-kuniga oid asosiy fotosuratlar bilan bo‘lishdi.
Zelenskiy Xersonda Ukraina bayrog‘ini ko‘tarish marosimida
Ukraina prezidenti Vladimir Zelenskiy Xersonga 14-noyabr kuni, Ukraina armiyasi uni qaytarib olganidan uch kun o‘tib tashrif buyurdi. Xerson urush boshidan buyon Rossiya istilosi ostida edi.Foto: Reuters
Vladimir Zelenskiyni kutib olayotgan xersonliklar.Foto: Reuters
Xerson aholisi prezident bilan uchrashuvda.Foto: Reuters
Vladimir Zelenskiy Xersonda Ukraina madhiyasini kuylamoqda.Foto: AFP
Ukraina Qurolli kuchlari harbiy xizmatchisi Xersonning markaziy ko‘chalaridan birida Ukraina bayrog‘ini ko‘tarmoqda.Foto: Ukraina prezidenti matbuot xizmati
Xersonlik ayol rossiyaliklar okkupatsiyasi paytida halok bo‘lganlar uchun o‘rnatilgan vaqtinchalik yodgorlik yonida.Foto: Ukraina prezidenti matbuot xizmati
Ozod etilgan Xerson manzaralari
Xersonlik kishining jasadi. 14-noyabr kuni shaharga tashrifi chog‘ida Vladimir Zelenskiy Xersonda ishg‘ol paytida rus harbiylari tomonidan sodir etilgan 400 dan ortiq harbiy jinoyatlar hujjatlashtirilganini aytdi.Foto: Reuters
Xerson aholisi rossiyalik harbiylar shahardan chekinish vaqtida portlatib yuborgan teleminora yonida. 9-noyabr kuni Rossiya mudofaa vaziri Sergey Shoygu general Sergey Surovikinning taklifiga binoan rus qo‘shinlarini Xersondan Dneprning chap qirg‘og‘iga olib chiqishni buyurdi. 11-noyabr kuni Rossiya Mudofaa vazirligi shahardan chekinayotgani haqida xabar berdi.Foto: Getty Images
Internet aloqasi bor joyga to‘plangan xersonliklar. Shaharda elektr ta’minoti mavjud bo‘lmasa-da, Ilon Maskning Starlink terminallari va generatorlari yordamida mobil aloqaning bazaviy stansiyalari ishlamoqda. Xerson markazida Ukrainaning “Kyivstar” operatori xizmatlaridan ham foydalanish mumkin.Foto: AP Photo
Xerson aholisi vakili o‘tin yig‘moqda. 6-noyabr kuni, hali rus qo‘shinlari chekinishidan oldin ham, Xersonning barcha tumanlari elektr energiyasidan uzilgan. Okkupatsion hokimiyat vakillarining aytishicha, bu elektr uzatish liniyalariga qilingan “sabotaj” oqibati. Xerson viloyati harbiy ma’muriyati rahbari Yaroslav Yanushevich Zelenskiyning tashrifi chog‘ida yaqin vaqt ichida elektr ta’minoti tiklanadi, deb va’da berdi.Foto: AFP
Mobil aloqani tutishga urinayotgan xersonliklar.Foto: Anadolu
Xersonlik kishi Dneprdan suv olmoqda. Shaharda nafaqat elektr energiyasi, balki suv ta’minotida ham muammolar mavjud.Foto: AFP
Portlatilgan Antonov ko‘prigi.Foto: Anadolu
Xerson viloyatining Qrimga “evakuatsiya qilingan” aholisi
Xerson viloyatidan ko‘chirilgan bolali ayol Qrimning Jankoy shahrida. Xersondagi okkupatsion hokimiyati oktabr oyida tinch aholini Qrimga yaqinroq joylashgan shaharga “evakuatsiya qilish” haqida e’lon qilgandi. Rossiya tomoni ma’lumotlariga ko‘ra, Xersonning bosib olingan qismidan 100 mingdan ortiq odam evakuatsiya qilingan.Foto: EPA
Jankoydagi vaqtinchalik joylashtirish markazida xersonlik ayol va gumanitar yordam qutilari.Foto: EPA
Xerson viloyati aholisi Jankoydagi vaqtinchalik turar joy markazi yaqinidagi avtobuslarda.Foto: EPA
Izoh (0)