Ukraina mudofaa vaziri Aleksey Reznikov Ukraina Rossiyadagi ichki inqiroz fonida Qrimni kurashsiz qaytarib olishi mumkinligiga ishora qildi, deb yozadi Reuters.
Unga ko‘ra, Ukraina qo‘shinlari Xerson viloyatidagi Dnepr daryosiga yetib kelgan bo‘lsa ham, HIMARS yoki boshqa qurollar yordamida bosib olingan Qrimdagi nishonlarga zarba bera olmaydi.
Biroq vazir yarim orol jangsiz Ukraina nazoratiga qaytishiga ishonadi. Mudofaa vazirligi rahbarining fikricha, bu Rossiyaning o‘zida yuzaga kelgan ichki qarama-qarshiliklar natijasida sodir bo‘ladi.
Vazir, shuningdek, Xerson shahridan rus qo‘shinlarining chiqib ketishi uchun kamida bir hafta vaqt ketishini, qish esa janglarni sekinlashtirishi, har ikki tomon uchun ham tiklanish imkoniyatini berishini aytgan.
“Qish barcha tomonlar uchun jang maydonidagi har qanday faollikni sekinlashtiradi. Bu barcha tomonlar uchun foydalidir. Siz ham dam olasiz”, —dedi u.
U Britaniyada tahsil olayotgan minglab ukrain askarlari evaziga Kiyev tanaffusdan ancha kuchliroq bo‘lib qaytishini ta’kidladi.
Ma’lum qilinishicha, Dneprning chap qirg‘og‘iga jami 30 mingdan ortiq rossiyalik harbiy xizmatchi va 5 mingga yaqin qurol-yarog‘ va harbiy texnika olib o‘tilgan.
Izoh (0)