Turkiyaning Anqara shahrida Rossiya va AQSh vakillari o‘rtasida 14-noyabr kuni muzokaralar bo‘lib o‘tmoqda. Bu haqda “Kommersant” xabar berdi.
Ma’lum qilinishicha, Tashqi razvedka xizmati direktori Sergey Narishkin Rossiya tomonidan Anqaraga uchib ketdi. Bu uchrashuv avvalroq ommaga e’lon qilinmagandi. Muzokara bo‘layotgani haqida ma’lumot bergan manba tafsilotlarni ochiqlashdan bosh tortdi. Rossiya prezidenti matbuot kotibi Dmitriy Peskov esa Anqaradagi muzokaralar haqidagi ma’lumotni na tasdiqlay, na inkor qila olmasligini aytdi.
Rossiya va Amerika delegatsiyalari oxirgi marta 2022-yilning 10-yanvarida Jenevada uchrashib, xavfsizlik kafolatlari bo‘yicha muzokaralar o‘tkazgandi. Yanvar oyidagi muzokaralar jarayonining amaliy natijalari yo‘qligini ko‘pincha Ukrainada harbiy harakatlar boshlanishi uchun diplomatik shart sifatida qaraladi.
The New York Times avvalroq AQSHda mansabdor shaxslar orasida Rossiya bilan yarashuv bitimini tuzishi uchun Ukrainaga bosim o‘tkazish masalasida ziddiyatlar mavjudligini ma’lum qilgandi. Keyinroq Zelenskiyning Rossiya bilan muzokaralar uchun shartlari haqidagi bayonoti AQSHning “yengilgina turtkisi” bilan bog‘liq bo‘lgani haqida xabar berilgandi.
Izoh (0)